«Uly Shoqannyń kerýen jolymen» kitaby tanystyryldy (FOTO)

ASTANA. QazAqparat - Búgin QR Ulttyq mýzeıinde I. Imanov pen O. Mazbaevtyń «Uly Shoqannyń kerýen jolymen» atty kitabynyń tanystyrylymy ótti.

Bul kitap qazaqtyń uly ǵalymy Sh. Ýálıhanovtyń 180 jyldyq mereıtoıyna oraılastyrylyp shyǵaryldy. Ekspedıtsııa músheleriniń jeke jáne tikeleı saıahat barysynda alǵan áserleri negizinde jazylǵan eńbek kópshilik oqyrmanǵa arnalyp otyr.

Atap aıtqanda, kitap Qazaqstandyq ulttyq geografııalyq qoǵamnyń 2014 jylǵy 24 shilde men 5 tamyz aralyǵynda QHR jáne Qyrǵyzstan aýmaǵy arqyly ótken «Shoqan Ýálıhanovtyń kerýen jolymen» atty halyqaralyq ekspedıtsııaǵa arnalǵan.

Atalǵan ekspedıtsııa sońǵy segiz jyl ishinde júzege asyrylǵan «Shoqan joldarymen» atty ekspedıtsııalar serııasynyń sońǵy sapary bolyp sanalady. Oǵan qatysýshylar Shoqan Ýálıhanov júrip ótken jerlerge saıahat jasady.

Búgingi tanystyrylymdy QR Ulttyq mýzeıi men Qazaqstandyq ulttyq geografııalyq qoǵamy uıymdastyrdy.