ULY OTAN SOǴYSYNYŃ BATYRLARY: Joldas Súleımenov
Joldas Súleımenov 1922 jyly 1 mamyr kúni Ońtústik Qazaqstan oblysy Saryaǵash aýdany Jańa qurylys aýylynda dúnıege kelgen.
Ekinshi dúnıejúzilik soǵysqa qatysýshy, barlaýshy, qatardaǵy jaýynger. 1942 jyldyń qańtarynan Ortalyq maıdan 65-armııa 69-atqyshtar dıvızııasy 120-atqyshtar polki quramynda Uly Otan soǵysyna qatysqan. Alǵashqy urys jolyn Stalıngrad shaıqasynan bastady. Aralarynda Súleımenov bar barlaýshylar toby kezekti bir tapsyrmany oryndaý barysynda jaý batalonynyń shtab bastyǵyn, qundy derekteri bar qujattaryn qolǵa túsirgen. Sonymen qatar Súleımenov Kýrsk ıininde bolǵan urystarǵa, Belgorodty azat etýge de qatysty. 1943 jyly 15 qazanǵa qaraǵan túniDnepr ózeni (Ýkraına, Chernıgov oblysy,Repkı aýdany,Radýl kentiniń mańy) úshin bolǵan urysta Súleımenov baskarǵan barlaýshylar jaýdyń 300-den astam áskerin joıyp, 8 zeńbiregin, 3 mınometin, 60 áskerin qolǵa túsirgen. Súleımenovke kórsetken erligi úshin KSRO Joǵarǵy Keńesi Tóralqasynyń Jarlyǵymen Keńes Odaǵynyń Batyry ataǵy berildi (30.10.1943). 1946 jyly zapasqa shyǵyp, Otyrar, keıinnen Saryaǵash aýdanynda turdy. Almatydaǵy zań mektebin bitirip (1951), tergeýshi, mektepte alǵashqy áskerı daıyndyq pániniń muǵalimi qyzmetterin atqarǵan.
1992 jyly qaıtys boldy. Lenın, 1-dárejeli Otan soǵysy ordenderimen, medaldarmen marapattalǵan.