ULY OTAN SOǴYSYNYŃ BATYRLARY: Tólegen Toqtarov
Soǵys qarsańynda Rıdder qalasy mańyndaǵy qorǵasyn zaýytynda jumysshy boldy. Keńes áskeri qataryna 1941 jyldyń jeltoqsanynda shaqyrylyp, Kalının maıdany 3-ekpindi armııa 8-gvardııalyq atqyshtar dıvızııasy 1075-polki quramynda ¥ly Otan soǵysyna qatysqan. Dıvızııanyń « Otan úshin» gazeti erjúrek avtomatshynyń bir táýlik ishinde jaýdyń 150-den astam áskeri men ofıtserin joıǵany týraly jazdy. Batyl da bekem qımyldaıtyn Tólegen jaýyngerlerdi san ret jaýǵa bastap shyqqan. 1942 jyly 5 aqpanda T.Nagatkıno aýylyna aldyńǵylardyń qatarynda kire otyryp, jaýdyń 7 áskerin joıyp, ekeýin tutqyndady. 1942 jyly 9 aqpanda Borodıno aýyly úshin bolǵan keskilesken urysta rota jaýyngerleri jaýdyń qarsy shabýylynan bas kótermeı ári dushpan men rotanyń ara qashyqtyǵy 100 m qalǵanda ol qasyndaǵy 4 jaýyngermen alǵa umtylyp, rotany shabýylǵa bastady. Jaý keıin shegindi. Qaharmandyǵy men batyldyǵy úshin Toqtarovqa qaza tapqannan keıin KSRO Joǵarǵy Keńesi Tóralqasynyń Jarlyǵymen Keńes Odaǵynyń Batyry ataǵy berildi (30.1.1943).
Ol týraly kompozıtor R.Elebaev «Jas qazaq» án-rekvıemin (1942), aqyn N.Baımuratov «Er Tolegen» ( 1945 ) dastanyn jazdy. Rıdder polımetall kombınatynyń aýmaǵynda batyrǵa eskertkish ornatylyp, Tólegen oqyǵan №10 mektepke onyń esimi berilgen. Óskemen, Rıdder, Almaty qalalarynyń bir kóshesi Tólegen esimimen atalady. Lenın ordenimen, birneshe medaldarmen marapattalǵan