ULY OTAN SOǴYSYNYŃ BATYRLARY: Orman Túktibaev

ASTANA. QazAqparat - Uly Jeńistiń 70 jyldyǵyna oraı QazAqparat HAA surapyl soǵys jyldarynda óz Otanyn fashıstik basqynshylardan aman alyp qalǵan birtýar batyrlar týraly materıaldar jarııalaıdy.

Orman Túktibaev (Úrmásh) 1917 jyly 17 qarashada Qyzylorda oblysy Qazaly aýdany Túktibaev aýylynda dúnıege kelgen.

Keńes áskeri qataryna Qazaly aýdany áskerı komıssarıatynan shaqyrylǵan (17.8.1941). 2-Prıbaltıka maıdany 3-ekpindi armııa 391-atqyshtar dıvızııasy 1280-atqyshtar polki quramynda Uly Otan soǵysyna qatysqan.

1944 jyly 20 shildede Perelıder. (Latvııa, Lýdza aýdany) úshin urysta atys pozıtsııasyna bekingen Túktibaev qarsy shabýylǵa shyqqan jaýdy atqylaı bastady. Túktibaev taısalmastan jaýdyń 20 áskerimen jeke aıqasqa tústi. Osy shaıqasta Túktibaev jaýdyń birneshe áskerin joıyp, erlikpen qaza tapty (20.7. 1944, Latvııa, Lýdza aýdany Nerzkoe der.).

Túktibaevqa KSRO Joǵarǵy Keńesi Tóralqasynyń Jarlyǵymen Keńes Odaǵynyń Batyry ataǵy berildi (24.3.1945). Týǵan jerinde Túktibaev esimimen atalatyn aýylda eskertkish ornatylǵan. Qazaly aýdanynyń Bekarystan bı atyndaǵy orta mektepke Túktibaev esimi berilgen. Lenın, «Qyzyl Juldyz» ordenderimen, medaldarmen marapattalǵan.