ULY OTAN SOǴYSYNYŃ BATYRLARY: Qoıgeldi Aýhadıev
Ol 1907 jyly Shyǵys Qazaqstan oblysynyń Kókpekti aýdanyndaǵy Órnek aýylynda dúnıege kelgen. Soǵysqa deıin "Talapker"á aýyl sharýashylyǵy arteliniń tóraǵasy bolǵan. Keńes áskeri qataryna 1942 jyldyń mamyrynda shaqyrylyp, sol jyldyń maýsymynan Uly Otan soǵysyna Ortalyq maıdannyń 60-armııasyna qarasty 6-gvardııalyq atqyshtar dıvızııasy quramynda qatysty. 1943 jyldyń kúzinde 10-gvardııalyq polktiń komandıri polqalasy Ýdylın Dneprdiń arǵy jaǵalaýyna barlaýshylar tobyn jiberdi. Dneprden Nıjnye Jary derevnıasy mańynda (Belarýs, Gomel oblysy Bragın aýdany) ótken Aýhadıevtiń shaǵyn toby ózderi basyp alǵan platsdarmdy berik qorǵady ári negizgi kúshtiń kedergisiz ótýin qamtamasyz etti. Batyl da erjúrek Aýhadıev arǵy jaǵalaýǵa birinshi bolyp ótip, keıingi shaǵyn topqa jol ashyp berdi. 24 ásker men ofıtserdi, bir stanokty pýlemetti joıǵan ári jaýmen jalǵyz alysqan batyr 1943 jyly 29 qyrkúıekte erlikpen qaza tapty.
Artynan shaǵyn top jaýdyń 3 tankisin, oq-dári tıelgen 3 avto-kóligin, ózdiginen júretin artıllerııalyń 2 «Ferdınand» qondyrǵysyn, 5 stanokty pýlemetin joıdy. Dneprden ótkende kórsetken qaharmandyq erligi úshin Aýhadıevke KSRO Joǵary Keńesi Tóralqasynyń Jarlyǵymen Keńes Odaǵynyń Batyry ataǵy berildi (16.10.1943). A. Ýkraınanyń Kıev oblysy Ivankov aýdany Paryshev selosyndaǵy (qazir Chernobyl qasiretine baılanysty tyıym salynǵan aımaqta qalǵan) baýyrlastar zıratynda jerlengen. Kókpekti aýylyndaǵy kóshege,Terekti aýylyndaǵy mektepke esimi berilgen.