ULY OTAN SOǴYSYNYŃ BATYRLARY: Qaıyrǵalı Smaǵulov
Ol Keńes áskeri qataryna 1939 jyly shaqyrylǵan. 1941 jyldyń maýsymynan Soltústik Kavkaz maıdany 18-armııa 318-atqyshtar dıvızııasy 1339-atqyshtar polki quramynda Uly Otan soǵysyna qatysqan. Onyń aıryqsha qaısarlyǵy, ásirese, Kerch túbegindegi urysta baıqaldy. Desantshy jaýyngerlerden qurylǵan 20 sarbaz 44 kún boıy jaý qyspaǵyna tótep bergen. Smaǵulov jeke ózi Eltıgen ( Ýkraına , Qyrym túbegi, Eltıgen) qystaǵy úshin bolǵan urysta jaýdyń 20-ǵa jýyq áskerin joıǵan. Smaǵulovqa batyldyǵy úshin KSRO Joǵarǵy Keńesi Tóralqasynyń Jarlyǵymen Keńes Odaǵynyń Batyry ataǵy berildi (17.11.1943). 1946 jyly zapasqa shyqty.
1950 jyly Almatydaǵy partııa mektebi janyndaǵy kýrsty bitirgen. 1955 jyly №12 kásiptik-tehnıkalyq ýchılışesiniń dırektory qyzmetin atqarǵan. Batyrdyń ómiri men erligi Ǵ.Músirepovtiń «Qazaq soldaty» shyǵarmasyna arqaý bolǵan.
Soǵystan keıingi jyldary aımaqtyń áleýmettik qamsyzdandyrý jumystaryna basshylyq jasady. 1963-1973 jyldar aralyǵynda Atyraý ýnıversıtetinde Azamattyq qorǵanys kafedrasynda eńbek etti.
Teńdik atyndaǵy (Atyraý qalalyq ákimdigi aýmaǵynda) orta mektepke Smaǵulovtyń esimi berilgen. Lenın, l-dárejeli Otan soǵysy ordenderimen, birneshe medaldarmen marapattalǵan.