Uly Otan soǵysyndaǵy Jeńistiń 70 jyldyǵy aıasynda Qarýly Kúshterde 70-ten asa is-shara ótkizildi

ASTANA. QazAqparat - 2015 jyl barsha Qazaqstan úshin Uly Otan soǵysyndaǵy Jeńistiń 70 jyldyǵy men Qazaq handyǵynyń 550 jyldyǵy aıasynda mańyzdy mereıtoılyq datalarǵa toly boldy, dep habarlady QR Qorǵanys mınıstrliginiń baspasóz qyzmeti.

QR Qarýly Kúshterinde Uly Otan soǵysyndaǵy Jeńistiń 70 jyldyǵy men Qazaq handyǵynyń 550 jyldyǵyn merekeleý aıasynda 70-ten asa is-shara, onyń ishinde Qarýly Kúshter tarıhyndaǵy eń aýqymdy áskerı parad iske asyryldy.

Táýelsiz Qazaqstannyń tarıhynda alǵash ret Ulttyq áskerı-patrıottyq ortalyq quryldy. Onyń qabyrǵasynda áskerı-tarıhı murajaı ashyldy.

Ózgerister áskerı bilim berýdi de qamtydy. Sonymen, 2015 jyly Almaty qalasynda ornalasqan B.Momyshuly atyndaǵy RÁMI, Shymkent qalasyndaǵy S.Raqymov atyndaǵy RÁMI jáne Qaraǵandydaǵy N.Ábdirov atyndaǵy RÁMI úsh respýblıkalyq áskerı mektep-ınternattary Qorǵanys mınıstrliginiń ıeligine berildi. Odan basqa, tıisti deńgeıdegi memlekettik jalpy bilim berýdiń standarttary ázirlendi.

Sondaı-aq kelesi 2016 jyly áskerı bilim berýdiń erekshelikterin eskere otyryp, kredıttik tehnologııa boıynsha oqytýǵa kóshý júzege asyrylyp, áskerı joǵary oqý oryndaryndaǵy mamandyqtardyń tizbesi keńeıtiledi.