Uly Otan soǵysyndaǵy qazaqstandyqtardyń erligi jaıynda «Abyroı men paryz» atty kitap shyǵady - Búrkitbaı Aıaǵan

ASTANA. QazAqparat - Uly Otan soǵysyndaǵy qazaqstandyqtardyń erligi jaıynda «Abyroı men paryz» atty kitap shyǵady. Bul týraly búgin OKQ-de ótken brıfıngte Memleket tarıhy ınstıtýtynyń dırektory Búrkitbaı Aıaǵan málim etti.

«Uly Otan soǵysyna qatysty «Abyroı men paryz» qazaq jáne orys tilinde kitap shyǵardyq. Qazir ony baspahanaǵa jiberdik. Ol 600 betten asady. Bizdiń ǵalymdar osy kitapty jazý barysynda Reseı, Ýkraına, Belarýs muraǵattarynda jumys istep keldi. Elshiliktermen, sol elderdiń ǵalymdarymen jaqsy qarym-qatynasta bolyp, bizdiń halqymyzdyń Ekinshi Dúnıejúzilik soǵysyndaǵy jeńiske qosqan úlesi, qasireti men qıynshylyqtaryn kórsete aldyq degen oıdamyn. Sebebi, kóptegen tyń sýretter men qujattar tabyldy», - dedi ol.

Onyń sózine qaraǵanda, kitaptiń elektrondyq nusqasy ınstıtýttyń portalynda jarııalanady jáne árdaıym tolyqtyrylyp otyrmaq.