Uly Otan soǵysynda Keńes áskerin qarjylandyrǵan qazaqtar

ASTANA. 10 mamyr. QazAqparat -Uly Otan soǵysy jyldarynda tyldaǵy eńbekkerler Keńes Armııa­syna arnap, ózderiniń jıǵan-tergen qar­jysyn, sońǵy tıyndaryn qarý-jaraq jasaý qoryna ótkizip jatty.

 Al basylymdar bul jańa­lyqty jaýyngerlerge úzbeı habarlap turǵan. Mysaly, «Stalın týy» gazetiniń 1944 jylǵy 3 maýsym kúngi sanynda «Hal­qymyzdyń qa­sıetti salty» degen habarda Qazaqstan eńbekkerleriniń maıdanǵa degen kóme­gin aıta kelip, tank kolonnasyn ja­saýǵa Qaraǵandy oblysynan Orazbaı Bó­ken­baevtyń - 300 myń, Oljabaı Qazy­be­kovtiń - 190 myń, Qadyr Ysqaqovtyń - 175 myń, Aqmola oblysynan Beısen Bedelbaevtyń - 172 myń, Sádýaqas Yby­raevtyń - 155 myń, Saıdaly Esmaǵam­be­tovtiń - 185 myń, Qyzyl­orda oblysy­nan Janábil Qımasovtyń - 165 myń, Smaǵul Ke­reıbaevtyń 180 myń som bergenin habarlaıdy. Mundaı otanshyldyq bastamalardy respýblı­kanyń barlyq oblysy qoldaǵany belgili, dep jazady «Alash aınasy» basylymy.