Uly Otan soǵysynda qaza bolǵan bozdaqqa týǵan aýylynda kóshe aty berildi
09:14, 13 Mamyr 2014
QYZYLORDA. QazAqparat - Uly Jeńistiń 69 jyldyq merekesine oraılastyrylyp Jańaqorǵan aýdany Baıkenje aýylyndaǵy ortalyq kóshege alapat soǵysta erlikpen qaza tapqan Adyrbek Ótebekovtiń esimi saltanatty túrde berildi, dep habarlaıdy aýdandyq ákimdiktiń baspasóz qyzmetinen.
Igi sharanyń ashylý saltanatyna batyrdyń týystary, jazýshy Aıdarhan Bıbasarov, Túgel Artyqov, UOS ardageri Tastemir Tileýbergenuly men aýyl turǵyndary qatysyp, batyr ata jóninde estelikter aıtty. «Adyrbek Ótebekov oqyǵan, saýatty kisi bolǵan. Aýdanda birneshe basshylyq qyzmetter atqarǵan. Alaıda úılenbegendikten artynda urpaq qalmaǵan. Surapyl soǵysta eren eńbegi úshin birneshe medaldarmen marapattalǵan. Sondyqtan da er esimin el esinde máńgi qaldyrý maqsatynda batyr atamyzǵa arnaıy kóshe ataýy berilýde», - deıdi óz sózinde aýyl ákimi Jumadilla Ótkelbaı.
Soǵys ardagerlerine qurmet barlyq eldi mekenderde de jalǵasyn tabýda, delingen habarlamada.