Uly Otan soǵysyna Almatydan 76 600 adam qatysyp, onyń 44 myńy úılerine jeńimpaz bolyp oraldy
Bul jaıly búgin 28 panfılovshylar saıabaǵyndaǵy Máńgilik alaýǵa gúl shoqtaryn qoıý kezinde aıtyldy, dep habarlaıdy QazAqparat.
Almatylyqtarmen qala qonaqtarybúginJeńis merekesin el namysy úshin erlikpen qaza tapqan bozdaqtardyń rýhyna taǵzym etýden bastady. Odan keıin máńgilik alaýǵa gúl shoqtary qoıylyp, áskerı ashanadan dám tatyldy. Jeńistiń 65 jyldyǵyna arnalǵan merekelik kontsert qoıylyp, maıdan ánderi shyrqaldy.
"1941-45 jyldary Qazaqstan turǵyndarynyń tórtten biri soǵysqa attandy. Alaıda 1 mıllıon 366 myń adamnyń 602 myńy odan oralǵan joq. Máselen, bizdiń qaladan maıdanǵa attanǵan 76 600 almatylyqtyń 44 myńy ǵana óz úılerine jeńimpaz bop oraldy", deıdi qala ákimi Ahmetjan Esimov. Onyń aıtýynsha, Bul jeńistiń tarıhı mańyzyn baǵalap, qadir-qasıetin dáriptep, halqymyzdyń óshpes erligine qurmet kórsetý bizdiń naǵyz azamattyq parzymyz. Bul búgingi táýelsiz eldiń jas ulandaryna amanat etetin ıgilikti dástúr bolýy tıis. Sondyqtan da soǵysqa qatysýshylar men tyl eńbekkerleriniń qajymas qaıraty men qaısar rýhynyń jeńisin ulyqtaýǵa erekshe kóńil bólinip otyr. Máselen, keshke "Kók tóbe" telemunarasynda", "Saıran" kólinde jáne 2011 jylǵy qysqy Azııa oıyndary kezinde tuǵyrdan sekirýshiler óner kórsetetin sporttyq nysanda merekelik otshashýlar shashylady. Al Respýblıka saraıynda óner juldyzdarynyń qatysýymen dýmandy kontsert qoıylady.