Uly Otan soǵysy ardagerleriniń delegatsııasy Almatydan Astanaǵa jáne Máskeýge Jeńis paradtaryna attandy
Olardyń bir bóligi Máskeýdegi, al ekinshi bóligi Qazaqstan astanasynda ótetin paradqa qatysady.
Sonymen qatar resmı keshkilik qonaǵasy barysynda 13 ardager memlekettik nagradalarǵa jáne mereıtoılyq medaldarǵa ıe boldy.
«Men memlekettiń bizge qamqorlyq jasap otyrǵanyna rızamyn. Bul sapar ardager retinde men úshin óte mańyzdy. Máskeýdegi Jeńis paradyna qatysqym keledi, biraq densaýlyǵym jaramaıdy-aý dep qorqamyn. Qazir men 91 jastamyn. 1942 jyly 18 jasymda maıdanǵa attanyp, Máskeý túbindegi shaıqasqa qatystym», - dedi soǵys ardageri Toqtarbaı Qanapııa. Ol sondaı-aq Astanaǵa paradqa nemeresin alyp bara jatqanyn aıtty.
«Jeńistiń 50 jyldyǵyn Máskeýde qarsy alǵan edim, endi búgin 70 jyldyǵyna bara jatyrmyn. Onda ózimniń qarýlas joldastarymdy kezdestirýge úmittenemin. Ardagerlerge osyndaı tegin sapar uıymdastyrǵany úshin memleketimizge rahmet», - dep atap ótti 93 jastaǵy soǵys ardageri Fedor Fedotov.
Uıymdastyrýshylardyń atap ótýinshe, barlyq ardagerlerge memleket esebinen bir úlgidegi kıimder tigilgen.