Uly Otan soǵysy ardagerlerin ómir boıy kommýnaldyq tólemderden bosatý kerek - Ǵ. Qasymov
Búgin QR Parlamenti Senatynyń jalpy otyrysynda Úkimet basshysynyń atyna depýtattyq saýal joldaǵan senator Ǵanı Qasymov osylaı málim etti.
«Búgingi kúni Qazaqstanda Uly Otan soǵysynyń ardagerleri, soǵysqa qatysýshylardyń sany kún sanap kemip barady. Sondyqtan da, men jeńistiń 65 jyldyǵy qarsańynda Memleket basshysymen kezdesý barysynda osy máseleni kótergen edim. Onda maıdangerlerdiń barlyǵyn kommýnaldyq tólemderden bosatýdy suraǵanmyn. Olar mundaı tólemnen ómir boıy bosatylsa ıgi», - dedi senator.
Sondaı-aq depýtat ardagerlerge medıtsınalyq kómektiń kepildendirilgen túrinen bólek, tolyq aýqymda júrgizilýi tıistigin atap kórsetti. «Ardagerlerdiń densaýlyǵyna qatysty kez kelgen medıtsınalyq kómek, onyń ishinde operatsııalyq shyǵyndardyń barlyǵy bıýdjetten qamtylǵany durys», - dedi Ǵ. Qasymov.