«Uly dalanyń jeti qyry» Túrkııanyń Önce Vatan gazetinde jarııalandy

ASTANA. QazAqparat - Túrkııanyń Önce Vatan gazeti Qazaqstan Prezıdenti Nursultan Nazarbaevtyń «Uly dalanyń jeti qyry» atty maqalasynyń tolyq mátinin jarııalady, dep habarlaıdy QazAqparat.

Önce Vatan  - Túrkııadaǵy bedeldi gazetterdiń biri. Taralymy - 30 myńǵa jýyq. Maqalany túrik tiline Halyqaralyq Túrki akademııasy aýdarǵan. Al jarııalaýǵa muryndyq bolǵan - atalmysh gazettiń bas redaktory Kemal Sally.

Eske salaıyq, Kemal Sally bıyl Túrkistanda Ismaıl Gasparaly syılyǵymen marapattalǵan edi. 

Aıta keteıik, Halyqaralyq túrki akademııasy Elbasynyń «Uly dalanyń jeti qyry» maqalasyn buǵan deıin mońǵol, tatar, majar, koreı sekildi on tilge aýdarǵan. Akademııanyń baspasóz qyzmetiniń málimetinshe, bul jumystar áli de jalǵasady jáne mátinder halyqaralyq uıymnyń resmı saıtynda jarııalanady. 

Maqalanyń Önce Vatan gazetinde jarııalanǵan túrik tilindegi nusqasymen myna jerde tanysýǵa bolady.