«Uly dalanyń jeti qyry» - álem órkenıetin damytýǵa babalardyń qosqan úlesi
«Elbasynyń maqalasyn oqı otyryp, elimizdiń uly da jaýapty kezeńde ómir súrip otyrǵanyna taǵy bir ret kóz jetkizemiz. Ál-Farabı, Qashqarı, ıAsaýı sekildi ǵulamalardy álem tarıhy biledi. Biz qurlyqtaǵy kóptegen halyqtyń ómirine yqpal etken jaýapty sheshimder qabyldaǵan babalardyń urpaǵymyz. Bul memleketimizdiń budan arǵy saıası jáne mádenı damýy úshin tııanaqty ári tereń qaıta tarazylaýdy qajet etedi.
Qazir, táýelsiz Qazaqstanda Elbasy, «Nur Otan» partııasynyń tóraǵasy N.Á. Nazarbaev qabyldaǵan sharalar da uly ata-babalarymyzdyń eńbeginiń jalǵasy, egemendi Qazaqstan úshin, búkil álem úshin baǵa jetpes mura qaldyrǵan Uly dala tarıhynyń bir kezeńi bolyp otyr», - deıdi Stanıslav Kankýrov.
Onyń atap ótýinshe, Eýrazııanyń qaq tósinde ornalasqan bizdiń el osy kúnge birden qol jetkizgen joq. Bul kúnderge ata-babalarymyzdyń qany, mańdaı teri jetkizdi. Ony maqtan ete otyryp, jan-tánimizben qorǵaımyz.
«Bizdiń baı mádenı muramyz osy memleket azamaty men patrıotynyń tulǵasyn qalyptastyryp, damýyna yqpal etýi tıis. Álemde jer kólemi jaǵynan toǵyzynshy orynda turǵan elimizdi ata-babalarymyz árqashan qorǵap, órkendetkenin, álemge kóshpendiler órkenıetiniń búkil jetistikterin bergenin túsinip, sezinýdiń ózi maqtaný quqyǵyn berýmen qatar, úlken jaýapkershilik te júkteıdi», - deıdi «Nur Otan» partııasy Almaty qalalyq fılıaly tóraǵasynyń birinshi orynbasary.
«Bul, ásirese, bizge, jas urpaqqa tıisti, - deıdi ol. - Sońǵy kezderi álemde dinı-moraldyq jáne áleýmettik-adamgershilik qundylyqtardyń kúırep jatyr.
«Jastar tarıhqa qyzyǵýdan qalyp, shejire umytylyp barady. Sondyqtan da Elbasynyń baǵdarlamalyq maqalasy asa mańyzdy ári der kezinde jarııalanyp otyr. Búginde bizdiń balalarymyz ózderin bizge ulan-ǵaıyr jerdi mura etip qaldyrǵan adamdardyń urpaǵy retinde, «zor mádenı jetistikter shoǵyry osy keń baıtaq ólkede paıda bolyp, sodan keıin Batys pen Shyǵysqa, Kúngeı men Teriskeıge taralǵanyn» sezinýi mańyzdy. Bul bizdiń keler urpaq aldyndaǵy jaýapkershiligimiz ári ortaq boryshymyz», - dep túıdi Stanıslav Kankýrov.