«Uly dalanyń ultaralyq tili» forýmynda birqatar azamat marapattaldy

NUR-SULTAN. QazAqparat – «Uly dalanyń ultaralyq tili» respýblıkalyq forýmynda yrys pen yntymaq uıytqysy bolyp júrgen birqatar azamat Qazaqstan halqy Assambleıasy 25 jyldyq merekelik medalimen, Qazaqstan halqy Assambleıasynyń «Meıirim» tósbelgisimen jáne alǵys hatymen marapattaldy, dep habarlaıdy QazAqparat tilshisi.

QR Prezıdenti Qasym-Jomart Toqaevtyń 2020 jylǵy 3 shildegi Jarlyǵy boıynsha kompozıtor, Memlekettik syılyqtyń laýreaty, Qazaqstannyń eńbek sińirgen qaıratkeri, «Parasat» ordeniniń ıegeri Tólegen Muhamedjanov, Qazaqstan Respýblıkasynyń jáne Tatarstannyń halyq artısi, Memlekettik syılyqtyń laýreaty Nurjamal Úsenbaeva, ánshi, kompozıtor, aqyn, Qazaqstannyń eńbek sińirgen qaıratkeri Elena Ábdihalyqova, L.N. Gýmılev atyndaǵy EUÝ Áleýmettik-mádenı damý jónindegi prorektory, kórnekti ǵalym Dıhan Qamzabekuly, saıasattanýshy, jýrnalıst Orazǵalı Selteev, «QazAqparat» halyqaralyq aqparat agenttigi aktsıonerlik qoǵamy «Baq.kz» aqparat agenttiginiń tilshisi Aıagóz Qurmasheva, Prezıdent orkestriniń ánshisi, kompozıtor Medet Salyqov, Qazaq Ulttyq óner ýnıversıtetiniń oqytýshysy, jeztańdaı ánshi Klara Tólenbaeva Qazaqstan halqy Assambleıasy 25 jyldyq merekelik medalimen marapattaldy.

Sondaı-aq, Jýrnalıst, telejúrgizýshi Alla Chechetkına, «Aral Petroleým» JShS bas dırektorynyń kómekshisi Djamalaıl Elımhanov, Qostanaı qalasy, A.Baıtursynov atyndaǵy Qostanaı memlekettik ýnıversıtetiniń 1 kýrs stýdenti Anel Pımıcheva, Qaraǵandy oblysy «Qoǵamdyq kelisim» komýnaldyq memlekettik mekemesi baspasóz qyzmetkeri ıÝrıı Mıhýlıa, «Beregınıa» orys etnomádenı ortalyǵy» qoǵamdyq birlestiginiń múshesi Elızaveta Sedysheva qoǵamdyq kelisim men jalpyulttyq birlikti nyǵaıtýǵa qosqany úshin Qazaqstan halqy Assambleıasynyń «Meıirim» tósbelgisimen marapattalady.

Shara barysynda «Obereg» ýkraındar qoǵamynyń jastar qanatynyń múshesi ıÝlııa Lagýtkına men QR Ulttyq gvardııasy án-bı ansambliniń kontsertmeısteri Denıs ıAkovlev Alǵys hatpen marapattaldy.