«Uly dalanyń kóne saryndary» Qostanaıǵa jetti
«Nur Otan» partııasynyń 20 jyldyǵyna oraı barlyq óńirde ótip jatqan «Uly dalanyń kóne saryndary» atty dástúrli mýzyka festıvali Qostanaıǵa da jetti. Ónerpazdardy astyqty aımaqqa Qazaqstannyń eńbek sińirgen qaıratkeri Almas Almatov bastap keldi. Festıvaldiń ashylý saltanatyna «Nur Otan» partııasy oblystyq fılıaly tóraǵasynyń orynbasary Almat Dosmuhamedov qatysty.
«Tuńǵysh Prezıdentimiz Nursultan Nazarbaevtyń «Uly dalanyń jeti qyry» atty maqalasynda ulttyq mádenıetimizdi keńinen nasıhattaýǵa erekshe mán berilgen. «Nur Otan» partııasy atalǵan maqalada kórsetilgen ıdeıalar men qundylyqtardy dáripteýge arnalǵan ıgi isterdi qoldaýdy jalǵastyrýda. Mádenıet jáne sport mınıstrligimen birlesip, «Uly dalanyń kóne saryndary» festıvalin ótkizýdi qolǵa aldy. Bul festıval partııamyzdyń 20 jyldyǵyn atap ótýge arnalǵan is-sharalardyń jáne «Zııaly qaýymmen jumys» partııalyq jobasynyń aıasynda ótýde. Festıvaldiń tanymaldyǵy artýyna qoldaý kórsetken óner ıelerine, Mádenıet basqarmasyna partııa basshylyǵy atynan alǵys bildiremiz», - dedi Almat Dosmuhamedov.
Festıvalde Almas Almatov, Manapbek Kádirov, Erlan Rysqalı, Sholpan Dárjanova, Gúlmıra Sarına, Jáken Omarov, Talǵat Moldaǵalıev, Qydyrbek Qıyshan, Batyrjan Myqtybaev syndy elge tanymal jyrshy-termeshiler óner kórsetti.
«Tarıhı sanany jańǵyrtýda dala folklory men mýzykasynyń alatyn orny erekshe. Sondyqtan keshke jınalǵandar qazaqtyń ádemi áni men kúıin, jyryn, termesin tyńdap, rýhanı baıyp qaldy. Mán-maǵynasy tereń, óskeleń urpaqqa rýhanı-tárbıelik mańyzy joǵary dástúrli mýzyka óneri dáripteletin bul shara elimizdiń barlyq óńirinde keńinen nasıhattalady», - dep bólisti festıval qatysýshysy Aıjan Sanaı.
Mundaı dástúrli án keshterin ótkizý jastardyń mýzyka men ónerge qyzyǵýshylyǵyn oıatatyny sózsiz. Jastar ulttyq mýzykanyń artyqshylyǵyn uǵynady deıdi uıymdastyrýshylar.