Uly daladaǵy quryltaılardy qazirgi parlamentarızmniń bastaý kózi deýge bolady - G. Ábdiqalyqova
Memlekettik hatshy Elbasy N. Nazarbaevtyń Uly dala eli ıdeıasyna qatysty máselege nazar buryp, Prezıdenttiń de sózin keltirdi. «N. Nazarbaevtyń Túrki memleketter basshylarynyń qatysýymen ótken alqaly basqosýda aıtqan sózi tamyry bir, tarıhy ortaq týys halyqtar úshin e mańyzdy. Uly dala uǵymynyń aıasy keń, mazmuny tereń, dárejesi bıik. Onyń aıasyna búkil túrki álemi syıyp ketedi», - dedi G. Ábdiqalyqova.
Memlekettik hatshy Elbasynyń bastamasymen qurylǵan TúrkPa, Túriksoı, Túrki akademııasy sekildi ıntegratsııalyq qurylymdardyń túrk áleminiń damýyna óz úlesin qosyp kele jatqanyn atap ótti. Sonymen qatar, ol búgingi kúni tusaýy kesilgen «Máńgi Tas» túrkilik keshen eskertkishiniń mańyzyna toqtala kele, onyń baýyrlas halyqtardy bereke birlikke shaqyratyn rámiz ekenin atap ótti.
«Máńgi Tasty» osydan 14 ǵasyr buryn uly túrki bıleýshisi Qutlyq qaǵannyń ornatýy barshamyzǵa maqtanysh, ónege. Dala quryltaıyna, han keńesine jınalǵan irgeli taıpalar «Máńgi Tasqa» birlik pen dostyqty qasterleýdi ant etip, óz tańbasyn qashap qaldyrýy búginge jetken uran. Osyndaı Uly daladaǵy quryltaılarda dala bıleri men bekteri, el tynyshtyǵy men tatýlyǵyn qamtamasyz etetin qýatty zańdar da bekigen. Bul uly quryltaılardy qazirgi parlamentarızmniń bastaý kózi deýge bolady. Kóne túrkiler memlekettiń qaramaǵyndaǵy halqyn erkin dep atap, olardyń quqyǵy men bostandyǵyn zań arqyly qamtamasyz etkeni belgili», - dedi Memlekettik hatshy.