«Uly Dala Tarıhy» kitaby «Card Couture Award-2019» syılyǵyna ıe boldy

NUR-SULTAN. QazAqparat - Uly Dalanyń birneshe myńjyldyq tarıhynan syr shertetin «Uly Dala Tarıhy» kitaby Pragadaǵy «Card Couture Award-2019» festıvalinde eń joǵary nagradaǵa ıe boldy. Bul — jyl saıyn jeti atalym boıynsha beriletin Eýropadaǵy eń bedeldi, úzdik marapattardyń biri.

Uıymdastyrýshylardyń aıtýy boıynsha, bıylǵy marapattaý rásimine belgili baspahanalardan 100-den astam usynys kelip túsken. Kitaptyń mazmuny, ony jazýda paıdalanylǵan quraldar men materıaldardyń joǵary baǵasy jáne qyzyqty qurylysynyń arqasynda «Uly Dala Tarıhy» «Úzdik kitap» nomınatsııasyna ıe boldy.

«Uly Dala Tarıhy» kitabynyń shyǵarylýymen aınalysqan belgili baspager Berik Barysbekov «Uly Dala Tarıhy» Qazaqstan Respýblıkasynyń Tuńǵysh Prezıdenti - Elbasy Qorynyń tapsyrysymen jazylǵan. Nursultan Nazarbaevtyń «Tarıh tolqynynda» kitabyna negizdelip jazylǵan «Uly dala tarıhy» kitabynyń materıaldary on jyldan astam ýaqyt boıy jınaldy. Biz atalǵan kitapta Uly dalanyń birneshe myńjyldyqtaǵy tarıhyn kórsete aldyq. Degenmen munda tek Qazaqstannyń tarıhy ǵana emes, onda ómir súrgen ulttar men taıpalardyń uly mádenıetteri týraly da baıandalady» - deıdi óz komandasymen kitapty shyǵarýmen aınalysqan belgili baspager Berik Barysbekov.