«Uly Dala rýhy» festıvali aıasynda teńge ilý men jamby atýdan irikteý syny ótti

ASTANA. QazAqparat - Búgin Astanadaǵy «Qazanat» atshabarynda ShQO sportshylarynyń «Uly Dala rýhy» festıvali aıasyndaǵy jamby atý men teńge ilý boıynsha irikteý syndary ótti, dep habarlaıdy QazAqparat.

Teńge ilýden birinshi oryndy Qaraǵandy oblysynyń komandasy alsa, ekinshi oryndy pavlodarlyqtar ıelendi, úzdik úshtikti Almaty oblysynyń jigitteri túıindedi.

Jamby atýdan birinshi oryn - ShQO komandasynyń enshisinde. Ekinshi oryn qaraǵandylyqtarǵa buıyrsa, úshinshi orynda - Almaty oblysy.

Asyq atý, toǵyzqumalaq, kókpar, qazaq kúresi boıynsha irikteý syndary Pavlodar qalasynda uıymdastyrylady. Esterińizge salaıyq, ulttyq sport túrleri boıynsha «Uly dala rýhy» festıvali elimizdiń 4 oblysynda 3 aı boıy ótedi. Festıvaldiń fınaldyq kezeńi Astana qalasynda uıymdastyrylady. 

Sonymen qatar, erteń «Qazanat» atshabarynda saǵ 15.00-de aýdaryspaq   boıynsha irikteý jarystary ótedi.