Ultymyzdyń zııaly qaýymy jalpyulttyq qundylyqtardyń kúsheıýinde jetekshi ról atqarýy kerek - Elbasy

ASTANA. 14 jeltoqsan. QazAqparat - Ultymyzdyń zııaly qaýymy jalpyulttyq qundylyqtardyń kúsheıýinde jetekshi ról atqarýy kerek. Búgin Táýelsizdik kúni merekesi saltanatyna arnalǵan jıynda Qazaqstan halqyna Joldaý arnaǵan Memleket basshysy Nursultan Nazarbaev osylaı málim etti.

Elbasynyń aıtýynsha, búgingi tańda tek tarıhqa keri buryla bermeı, jańa qaharmandardy da jasaý qajet. «Mine, solardy bizdiń jastarymyz úlgi tutatyn bolsa ıgi», - dedi N. Ábishuly. Bul rette Memleket basshysy Táýelsizdikti qurýdyń ózi uly ári máńgi óshpeıtin taqyryp ekenin, elimizdiń tarıh úshin qysqa ǵana merzimde adymdap ósýi de, astananyń salynýy da shyǵarmalarǵa, týyndylarǵa suranyp turǵanyn aıtty. «Jańa zaýyttar men fabrıkalar salyp, óz baqytyn taýyp, baqytty ómir keship jatqandardyń ózi - búgingi qaharmandar. Nege bular bizdiń týyndylardyń, sahnalardyń, jyrymyzdyń ózegine aınalmaı otyr?», - dedi Nursultan Ábishuly.