Ulttyq joba: Qazaqstandyqtar jerdi elektrondy túrde rásimdeı alady

NUR-SULTAN. QazAqparat – Elimizde aýyl sharýashylyǵyna qatysty ulttyq jobany iske asyrý aıasynda jerdi jalǵa berý protsesi elektrondy formatqa kóshiriledi. Bul týraly QR Aýyl sharýashylyǵy mınıstri Erbol Qarashókeev málim etti, dep habarlaıdy QazAqparat tilshisi.

«Jerge qatysty jańashyldyqtyń biri, jalǵa alǵan jerdi ekinshi bireýge jalǵa berý múmkindigi. Sondaı-aq, eger siz bir aýylda 5 jyldan artyq tursańyz, onda jalǵa jer alýǵa quqyǵyńyz bar. Odan bólek, búginde jaıylymdyq jerlerge qatysty zań jobasy ázirlenip jatyr. Atalǵan zań jobasy qazir Májiliste qaralýda. Jańa zańǵa sáıkes paıdalanbaı jatqan jerdi memleket qaramaǵyna ótkizý merzimin qysqartý jaǵy qarastyrylyp jatyr. Zańnama qabyldanǵan jaǵdaı qaraýsyz jatqan jerdi memleket qaramaǵyna alý merzimi 2 jyldan 1 jylǵa deıin qysqartylady», - dedi Erbol Qarashókeev Habar 24 telearnasynda ótken «Oshakbaev Live» telebaǵdarlamasynyń efırinde.

Onyń aıtýynsha, jerdi jalǵa berýde mınıstrlik aldynda turǵan basty mindet – ashyqtyq pen ádildikti qamtamasyz etý. Sol sııaqty sybaılas jemqorlyq áreketiniń aldyn alý.

«Jáne bir jańalyq elimizde jerdi rásimdeýdi elektrondy formatqa kóshirmekpiz. Bul jerdi jalǵa berý protsesinde ashyqtyqty qamtý úshin qolǵa alynyp otyr. Sonymen qatar jańa jyldan bastap jer ınspektsııasy aýyl sharýashylyǵy mınıstrligine baǵynysty bolady, buǵan deıin ol qyzmet jergilikti ákimdiktiń quzyretinde bolǵan. ıAǵnı endigi ýaqytta jerdi jalǵa berý protsesin jergilikti ákimdik elektrondy túrde rásimdeıdi, al oǵan ruqsat berý, jerdi tıimdi ári zańdy qoldalaný jaǵyn biz qadaǵalaıtyn bolamyz», - deıdi ol.

Buǵan deıin Erbol Qarashókeev aýyl sharýashylyǵy týraly ulttyq jobanyń oryndalýyna tikeleı ózi jaýap beretininin aıtty.

Sondaı-aq, mınıstr keler jyldan bastap elimizde aýyl sharýashylyǵyn sýbsıdııalaýdyń biryńǵaı júıesi engiziletinin málim etti.