Ulttyq joba: 2025 jylǵa deıin barlyq aýylda alǵashqy medıtsınalyq mekeme bolady

NUR-SULTAN. QazAqparat – QR Densaýlyq saqtaý mınıstri Alekseı Tsoı Ortalyq kommýnıkatsııalar qyzmetinde ótken brıfıngide BAQ ókilderine «Salaýatty ult» ár azamat úshin sapaly jáne qoljetimdi densaýlyq saqtaý» atty ulttyq jobany tanystyrdy, dep habarlaıdy QazAqparat tilshisi.

«Ulttyq joba 4 baǵyttan turady. Birinshi baǵyt medıtsınalyq kómektiń qoljetimdiligi men sapasyn arttyrýǵa baılanysty.

Ekinshi baǵyt epıdemıologııalyq boljaý men den qoıýdyń zamanaýı júıesin qalyptastyrýǵa arnalǵan.

Úshinshi baǵyt otandyq farmatsevtıka salasynyń damýyna yqpal etedi.

Tórtinshi baǵyt salaýatty ómir saltyn ustanatyn halyqtyń úlesin arttyrýǵa jáne buqaralyq sportty damytýǵa baǵyttalǵan», - dedi mınıstr.

Onyń málimeti boıynsha, Ulttyq jobanyń birinshi baǵytyn iske asyrý úshin halyqtyń medıtsınalyq qyzmet sapasyna qanaǵattaný deńgeıin 80% deıin arttyrý kózdelgen.

«Aýyldyq eldi mekender, onyń ishinde tirek jáne spýtnık aýyldar alǵashqy medıtsınalyq-sanıtarlyq kómek uıymdarymen 100% qamtamasyz etiledi. Kem degende 40 densaýlyq saqtaý obektisin jáne 2 ǵylymı ortalyqty jańǵyrtý josparlanǵan.

Tegin medıtsınalyq kómektiń kepildik berilgen kólemi men mindetti áleýmettik-medıtsınalyq saqtandyrý júıesi sheńberinde medıtsınalyq kómektiń jalpy kóleminde ambýlatorııalyq deńgeıde medıtsınalyq kómek kólemin keńeıtý qarastyrylǵan», - dedi Alekseı Tsoı.