Ulttyq zańnamany halyqaralyq talaptarǵa sáıkestendirý kerek - Adam quqyqtary jónindegi ýákil

ASTANA. QazAqparat - Adam quqyqtary jónindegi ýákil keńsesi «qaıtarmaý» («non-refoulement») halyqaralyq qaǵıdaty bóliginde halyqaralyq mindettemelerdiń saqtalýyna taldaý jasady, dep habarlaıdy QazAqparat Ombýdsmen ınstıtýtyna silteme jasap.

Adam quqyqtary jónindegi ýákil keńsesiniń habarlaýynsha, Qazaqstan ár jyldary bosqyndardyń mártebesi týraly jáne azaptaýǵa qarsy konventsııalarǵa qosyldy.

Bul halyqaralyq sharttar sheteldikter men azamattyǵy joq adamdardy násiline, dinine, saıası senimderine jáne t.b. baılanysty azaptaý nemese qaýip tóngen elderge jiberýge, qaıtarýǵa nemese berýge tyıym salady.

Bul halyqaralyq sharttar sheteldikter men azamattyǵy joq adamdardy násiline, dinine, saıası kózqarastaryna jáne t.b. negizinde azaptaý nemese qaýip tóndiretin elderge shyǵaryp jiberýge, qaıtarýǵa nemese ekstradıtsııalaýǵa tyıym salady. Halyqaralyq quqyqta bul tyıym salý «qaıtarmaý» («non-refoulement») prıntsıpi dep atalady.

Otandyq zańnamada bul qaǵıda joǵaryda atalǵan qaýip-qaterlerge ushyraýy múmkin adamdardy ekstradıtsııalaýǵa tyıym salatyn Qylmystyq is júrgizý kodeksinde ǵana engizilgen.

Alaıda, sheteldikter nemese azamattyǵy joq adamdar qylmystyq nemese ákimshilik quqyq buzýshylyq jasaǵany úshin, sondaı-aq azamattyq sottardyń sheshimderi boıynsha jaza retinde memleketten tys jerlerge shyǵarylýy múmkin.

Sondyqtan Ombýdsmen ulttyq zańnamany qabyldanǵan halyqaralyq mindettemelermen úılestirý maqsatynda Ádilet mınıstrligine QK, ÁQBtK, AІJK jáne «Sheteldikterdiń quqyqtyq jaǵdaıy týraly» Zańǵa túzetýler engizý týraly usynymdar joldady.

Ádilet mınıstrligi bul bastamany qoldap, zań jobalaý jumystary barysynda usynylǵan túzetýlerdi engizedi.

Konstıtýtsııanyń 4-baby Qazaqstan zańnamasynyń aldynda ratıfıkatsııalanǵan halyqaralyq sharttardyń basymdyǵyn belgileıtinin eskere otyryp, Bas prokýratýraǵa atalǵan ózgerister engizilgenge deıin «qaıtarmaý» qaǵıdatyn saqtaý týraly usynystar da jiberildi.

Bas prokýratýra da buǵan kelisti.

«Qarastyrylyp otyrǵan qaǵıda Qazaqstannan tys jerlerge shyǵarý faktisin qozǵamaıtynyn atap ótý mańyzdy. Bul adamdy ádiletsiz qýǵyn-súrginge ushyraýy múmkin memleketke ǵana shyǵarýǵa tyıym salý týraly, ıaǵnı «úshinshi» qaýipsiz elge májbúrlep jiberýge jol beriledi»,-delingen habarlamada.