Ulttyq ulannyń «Áskerı kerneı» orkestrler festıvali aıaqtaldy

NUR-SULTAN. QazAqparat – QR Іshki ister mınıstriniń orynbasary - Ulttyq ulan Bas qolbasshysynyń júldesine arnalǵan úsh kúndik «Áskerı kerneı» orkestrler festıvali aıaqtaldy, dep habarlaıdy QazAqparat vedomstvonyń baspasóz qyzmetine silteme jasap.

«Bul festıval Qazaqstan polıtsııasynyń 30 jyldyǵyna arnaldy. Ulttyq ulan Qazaqstan Respýblıkasy Іshki ister organdarynyń kúshtik quramdas bóligi retinde qylmysqa qarsy kúrestiń aldyńǵy shebinde keledi. Jaýyngerlerimiz ýaqytpen eseptespeı, azamattarymyzdyń quqyqtary men múddelerin qorǵaýda jolynda júr. Búgin biz ıgi dástúrge aınalǵan áskerı orkestrler arasyndaǵy ІH áskerı-mýzykalyq festıvaldiń qorytyndy bóligine kýá bolyp otyrmyz. Barlyq shyǵarmashylyq ujymǵa zor densaýlyq, bıik belesterdi baǵyndyrýdy, sondaı-aq Otanymyzdyń gúldený jolyndaǵy qajyrly áskerı qyzmetterine tolaıym tabystar tileımin», - dedi QR Іshki ister mınıstriniń orynbasary - Ulttyq ulannyń Bas qolbasshysy, general-maıor Erkin Botaqanov.

Ulttyq ulan «Ortalyq» óńirlik qolbasshylyǵynyń áskerı orkestri saıystyń Gran-prıin aldy. 1-oryn «Shyǵys» óńirlik qolbasshylǵynyń áskerı orkestrine berilse, 2-oryndy «Ońtústik» jáne «Batys» óńirlik qolbasshylyqtarynyń áskerı ujymdary ózara bólisti, al 3-orynda Ulttyq ulan Akademııasynyń mýzykanttary.

«Áskerı kerneı» festıvaliniń plats-kontserti Esil ózeniniń jaǵalaýyndaǵy amfıteatrdyń jazǵy sahnasynda ótti. Festıvaldiń fınaldyq bóligine Ulttyq ulannyń úzdik áskerı orkestrlerinen bólek, Memlekettik kúzet qyzmetiniń Qurmet qaraýyl rotasy (Prezıdenttik orkestr), Ulttyq qaýipsizdik komıteti Shekara qyzmetiniń jıyntyq orkestri jáne Qazaqstan Respýblıkasy Qorǵanys mınıstrliginiń Ortalyq orkestri qatysty.