Ulttyq ulan jaýyngerleri Táýelsizdik týyn bıik ustaıdy – Halyq qaharmany
Onyń aıtýynsha, Táýelsizdik – eń basty qundylyǵymyz. Bıyl erkin el bolǵanymyzǵa otyz jyl.
-Bul – qaıta jańǵyrǵan qazaq memleketiniń, ata-babalarymyz ǵasyrlar boıy umtylǵan bostandyqtyń tuǵyry nyǵaıa túskenin áıgileıtin mańyzdy beles. Tarıhı turǵydan baǵamdasaq, otyz jyl – asa kóp ýaqyt emes. Dese de, jurtymyz az ýaqyt ishinde álemdik alpaýyttarmen terezesin teńestirip, halyqaralyq qaýymdastyqqa qaryshty qadamdarymen tanylyp úlgerdi. Osy merzim aralyǵynda qazaq ulty saıası jáne ekonomıkalyq damý baǵytyn derbes aıqyndaı alatyn qarymy men qabiletin dáleldeı bildi. Ata-babamyz armandaǵan táýelsiz kún araılap atyp, kók baıraǵymyz kókte jelbiredi. Jas eldiń tarıhyndaǵy jańa dáýir óziniń bastaýyn Táýelsizdikten alady. Sondyqtan Táýelsizdik mereıtoıy erekshe mánge ıe. Egemendi el, Táýelsiz memleket bolýdy ańsaǵan halqymyz 200-den astam kóterilister men ult-azattyq qozǵalystardy basynan ótkerdi. Sondyqtan búgingi urpaq úshin qandaı da bolmasyn merekeniń, meıram men toıdyń basy – Táýelsizdik kúni ekendigi daýsyz, ári solaı bolýy da tıis, - deıdi Halyq qaharmany.
Onyń sózine qaraǵanda, óz Otanymen birge elimiz egemendik alǵan kúnnen bastap Іshki ásker de qurylyp, damı bastady. 1992 jyldyń 10 qańtarynda Tunǵysh Prezıdent Іshki áskerdiń qurylýy týraly Zańǵa, 1992 jyldyń 23 maýsymynda «Qazaqstan Respýblıkasynyń Іshki áskeri týraly» Zańyna qol qoıdy. Bul ishki áskerdiń mindetteri men qyzmetin anyqtaıtyn birinshi quqyqtyq akt boldy.
Al 2014 jyldyń 21 sáýirinde zamanaýı ýaqyttyn talaby boıynsha Qazaqstan Respýblıkasy ІІM Іshki áskerleri Ulttyq ulan bolyp qaıtadan quryldy.
«Táýelsizdik alǵan jyldardan bastap bizdiń Ulttyq ulan áskerleri saıası turaqtylyqty qamtamasyz etip, azamattardyń quqyqtaryn qorǵaý boıynsha zańdylyq pen quqyqtyq tártipti saqtaýda ózderine júktelgen talaptar men mindetterdi abyroımen oryndap keledi. Osy turǵyda «Batys» óńirliq qolbasshylyǵynyń jeke quramy jaýyngerleri Táýelsizdiktiń týyn odan ári de bıik ustaıtynyna senim mol. Búginde elimizde tynyshtyq ornap, qoı ústine boztorǵaı jumyrtqalaǵan zaman keldi dep maqtanyshpen aıta alamyz. Artqa tastaǵan otyz jyldyń ishinde ne atqardyq degen saýal týsa, tizbektep sózben jetkizý múmkin emes. Bir memleketke jeterlik is tyndyryldy jáne júzege asyryldy. Elimizdiń týy kókte qalyqtap, yntymaǵy jarasqan el bolaıyq! Táýelsizdik – eń basty qundylyǵymyz jáne ol bárinen qymbat!», dedi polkovnık Qaırat Úmbetov.
Aıta keteıik, El Táýelsizdiginiń 30 jyldyǵy merekesin «Batys» óńirlik qolbasshylyǵynyń jeke quramy da saltanatpen atap ótti. Táýelsizdik kúnine oraı Іshki ister mınıstriniń, QR Ulttyq ulany Bas qolbasshysy men «Batys» óńirlik qolbasshysynyń buıryqtaryna sáıkes 100-den astam áskerı qyzmetshilerge tósbelgiler, gramotalar men alǵyshattar tabys etildi.