Ulttyq ulan jaýyngerleri óz mindetterin abyroımen atqara bermek- general-maıor
Onyń aıtýynsha, Qazaqstan halqy tuńǵysh Prezıdent kúnin osymen jetinshi ret toılap otyr.
Tuńǵysh Prezıdent kúni - Elbasy jetistikteri men jeńisterin ulyqtaıtyn, óskeleń urpaqqa naǵyz eljandylyq pen otansúıgishtiktiń, azamattyq pen ulylyqtyń úlgisin kórsetetin kún.
Elimizde tatýlyq pen birliktiń, kelisim men túsinistiktiń ornaýy, halqymyzdyń zor tabystarǵa jetýi - Elbasynyń sarabdal, dana saıasatynyń jemisi. Sol sebepti de kemeńger kóshbasshymyzdyń qoǵam ómirine arnaǵan eren eńbegin baǵalaı bilý - barshamyzdyń paryzymyz.
"Osy oraıda aıryqsha nazar aýdara aıtarym, Elbasy N.Nazarbaev táýelsizdik alysymen quqyqtyq tártipti qamtamasyz etýge jiti kóńil bóle otyryp, egemendik deklaratsııasy jarııalanǵannan keıin nebári 26 kúnnen soń alǵashqy kúsh-qýat organy retinde ishki áskerdi qurǵany biz úshin maqtanysh jáne memleket tarapynan kórsetilgen aıryqsha senim dep bilemin. Mine, bizdiń jaýyngerlik tarıhymyz da dál sol 1992 jylǵy 10 qańtardan bastaý alady", - dedi general-maıor.
Sol kezden bastap ishki áskerdiń jeke quramy alǵa qoıylǵan tapsyrmalardy laıyqty túrde oryndap, ár azamattyń konstıtýtsııalyq quqyǵy men qaýipsizdigin, qoǵam qundylyqtaryn, memleket tynyshtyǵyn qaýip-qaterlerden qorǵaý baǵytynda óz qyzmetterin barynsha múltiksiz atqaryp keledi.
Elimizdiń quqyq qorǵaý organdary júıesine kiretin keshegi ishki ásker, búgingi Ulttyq ulan osy 26 jyl ishinde zaman talaptaryna saı tolyq, jan-jaqty qalyptasyp boldy dep aıtýǵa ábden negiz bar.
Elbasy, QR Qarýly kúshteriniń Joǵarǵy Bas qolbasshysy Nursultan Nazarbaev bir sózinde: «Qarýly kúshterdiń negizi - ofıtserler, serjanttar, ıaǵnı óz ómirin sanaly túrde Otanyna qyzmet etýge arnaǵan adamdar. Tárbıelik jáne patrıottyq jumystardy jetildirý, soldattan generalǵa deıingi quramnyń moraldyq rýhyn kúsheıtý jóninde qosymsha sharalar qabyldaý qajet», degen bolatyn. Osy oraıda Ulttyq ulan jaýyngerleri aldynda halyqty qylmys ataýlydan qorǵaı otyryp, quqyqtyq tártipti qamtamasyz etý mindeti tur.
«Memleket basshysy «Uly dalanyń jeti qyry» atty maqalasynda jylqynyń alǵash ret qazaq dalasynda qolǵa úıretilgenin, atty áskerdiń óz zamanynda aıbarly bolǵandyǵyn atap kórsetken edi. Búgingi Ulttyq ulan jaýyngerleri de sol ata-babamyzdyń erlik dástúrine saı bolý kerektigin eshqashan umytpaıdy», dep túıindedi sózin Á.Serálıev.