Ulttyq ulan sarbazdary daýys berýge belsene qatysýda

ASTANA. QazAqparat - Búgin Ulttyq ulan sarbazdarynyń kún tártibi ózgeshe bastaldy. Ádette, tańǵy astan keıin belgilengen baǵyty boıynsha kúndelikti jaýyngerlik qyzmetke kirisetin sarbazdar dál qazir daýys berip jatyr, dep habarlady Ulttyq ulannyń baspasóz qyzmeti.

Ulttyq ulannyń 6636-shy áskerı bóliminiń jeke quramy Qazaqstan Respýblıkasy Parlamenti Májilisiniń jáne maslıhattarynyń depýttaryn saılaýǵa belsendi qatysýda.

«Búgin sarbazdarymyzǵa tańerteńgilik as erte ázirlendi. Olardyń kóbi kámelet jasyna endi tolyp, daýys berýge alǵash ret qatysyp otyr. Saılaýdyń uıymdastyrý-tehnıkalyq barysyn arnaıy top júrgizýde. Barlyq erejeler qatań saqtalǵan» - dedi bólim komandıriniń tárbıe isi jónindegi orynbasary podpolkovnık Berik Mýntınov.

Arnaıy jabdyqtalǵan daýys berý pýnkti aldyna sap túzegen bólim basshylyǵy men jaýyngerleri elimiz úshin mańyzdy sharany Memlekettik Ánurandy shyrqaýmen bastady. Daýys berý kabınalaryna alǵash bop polk komandıri podpolkovnık Aıan Esjanov jubaıymen ótti.

- Men áskerıge Qaraǵandy oblysynan shaqyrylǵanmyn. Buryndary úlkenderimizden saılaý jóninde, daýys berý týraly estip-bilgenmen, bul protsestiń qalaı júrgiziletinin kózben kórmegen edim. Osy joly jumys tobyna daýys berý pýnktin jabdyqtaýǵa kómektestim. Sonyń arqasynda daýys berý erejelerin jaqsy bilip qaldym. Elimizdiń azamaty retinde daýys berýge qatysyp jatqanym erekshe áserge bóleıdi eken. Bul saılaý - bizdiń bolashaǵymyz úshin mańyzdy qadam dep bilemin. Qazaqstan qarýly kúshteri qatarynda júrip, memleketimizdiń erteńine daýys bergenime óte qýanyshtymyn, - deıdi 3-rota jaýyngeri qatardaǵy Meıirhat Qalıev.

Daýys berý Ulttyq ulannyń barlyq óńirlik qolbasshylyqtarynda ótip jatyr. Búgingi daýys berýge qatysatyn ulandyq ofıtserler men kelisim-shart áskerı qyzmetshileriniń jalpy sany tizim boıynsha - 24 000, al olardyń áskerı bólimder aýmaǵynda tirkelgen otbasy múshelerin qosa eseptegende bul kórsetkish 42 000 adamdy quraıdy.