Ulttyq ulan leıtenanty Almatyda qurysý sındromy bar egde jastaǵy er adamdy qutqardy

ALMATY. QazAqparat – Ulttyq ulannyń leıtenanty Aslan Ábjanov qurysý sındromy bar egde jastaǵy er adamnyń ómirin saqtap qaldy, dep habarlaıdy QazAqparat QR Ulttyq ulannyń baspasóz qyzmetine silteme jasap.

«10 shilde kúni keshki saǵat 22:00 shamasynda aǵa leıtenant Aslan Ábjanov otbasymen Krylov kóshesinde qydyryp júrgen kezde joldyń boıynda jatqan er adamdy kórgen. Jaqyndaǵan kezde áskerı azamatta qurysý sındromynyń bastalǵanyn (aýzynyn kóbik shyǵyp, konvýlsııalar bolǵan) kóredi. Aǵa leıtenant A. Ábjanov jedel járdem kóligin shaqyryp, dereý alǵashqy medıtsınalyq kómek kórsetedi: aýzynan tilin shyǵaryp, oǵan óz betinshe dem alýǵa kómektesken», - dep aıtty Ulttyq ulannyń baspasóz qyzmetinde.

Medıtsınalyq kómek kelgenge deıin azamat óz-ózine kelip, qalalyq emdeý mekemesine jiberildi.

Osylaısha, Ulttyq ulannyń «Ońtústik» óńirlik qolbasshylyǵynyń áskerı qyzmetkeriniń batyl jáne jedel áreketteriniń arqasynda egde jastaǵy er adamnyń ómiri qutqaryldy.