Ulttyq ulan qalyptasý jolynan damý kezeńine ótti - «Ońtústik» óńirlik qolbasshylyǵy
Vedomstvonyń málimetinshe, merekelik shara Jaýyngerlik tý kirgizilgen soń, memlekettik Ánurandy oryndaýdan bastaldy. Atalǵan sharaǵa «Ońtústik» óńirlik qolbasshylyǵy, Almaty garnızonyndaǵy áskerı bólimderdiń jeke quramy, Ulttyq ulan ardagerleri qatysty.
«31 jylda jasalǵan ıgilikti ister az emes. Qazaqstan Respýblıkasynyń Prezıdenti Qasym-Jomart Kemeluly Toqaevtyń qamqorlyǵy arqasynda Ulttyq ulan qalyptasý jolynan ótip, damý kezeńine kóshti. Osy jyldary áskerdiń kásibı sapasy eselep artty. Onyń materıaldyq-tehnıkalyq qamtylýy qarqyndy damyp keledi. Qazirgi tańda Ulttyq ulan eldiń senimin aqtaıtyn aıbyndy kúshke aınaldy. Búgingi kásibı merekede óńirlik qolbasshylyqtyń barlyq jeke quramyna, ardagerlerge jáne otbasylaryńyzǵa zor densaýlyq, bereke-birlik, amandyq, el ıgiligin eseleý jolyndaǵy eseli eńbekterińizge tolaǵaı tabystar tileımin», - dedi QR Ulttyq ulany «Ońtústik» óńirlik qolbasshylyǵy qolbasshysynyń tárbıe jáne áleýmettik-quqyqtyq jumystar jónindegi orynbasary, polkovnık Nııaztaı Álkeshev.
Іs-sharanyń resmı bóliminen keıin merekelik kontsert ótti. Kórermender aldynda «General» tobynyń ánshileri óner kórsetti.
Aıta keteıik, 1992 jyldyń 10 kańtarynda Qazaqstan Respýblıkasy Prezıdentiniń Jarlyǵymen Іshki ister mınıstrliginiń Іshki áskerleri quryldy. 2014 jyldyń 21 sáýirinde Іshki áskerler Ulttyq ulan bolyp qaıta quryldy. Al, 2015 jyly «Ulttyq ulan týraly» zań kúshine endi.
Eske salsaq, 2022 jyldyń qańtar aıynda jappaı tártipsizdikter kezinde azamattyq boryshyn ótegen qos sarbaz: qatardaǵy Madııar Qaısarov pen Aıbat Amanov tártip buzýshylardy toqtatý boıynsha qyzmettik-jaýyngerlik mindetterin atqarý kezinde qaza tapqan.
Foto: QR Ulttyq ulany «Ońtústik» óńirlik qolbasshylyǵynyń baspasóz qyzmeti