Ulttyq ulan bólimderiniń aýmaǵynda qurban shalýǵa tyıym salynǵan

ASTANA. QazAqparat - Ulttyq ulannyń áskerı bóliminde dinı joralardy jasaýǵa, sonyń ishinde, áskerı bólimniń aýmaǵynda qurban shalýǵa qatań tyıym salynǵan. Bul týraly búgin Ortalyq kommýnıkatsııalar qyzmetiniń brıfıngisine qatysa otyryp, QR Ulttyq ulan bas qolbasshysynyń orynbasary Muhametqalı Satov málim etti, dep habarlaıdy QazAqparat.

«2009 jyly bas qolbasshy arnaıy úkim shyǵaryp, ol úkim áskerı bólimderimizdiń barlyǵyna jiberilgen. Sol úkimge saı, Ulttyq ulannyń áskerı bólimderinde dinı joralarǵa, sonyń ishinde, qurban shalýǵa qatań tyıym salynǵan. Bir kezde áskerı bólimniń alańqaıyna mal ákelip, qurban shalǵan jaǵdaı bolǵan edi. Biraq, qazir bunyń bárine tyıym saldyq»,-dedi M.Satov jýrnalısterdiń suraǵyna jaýap bere kele.

«Ekinshiden, meshittiń nemese shirkeýdiń qyzmetkeri bolmasa, Islam dininiń ýaǵyzdaryn aıtatyn basqa adamdardyń áskerı bólimdegi mádenı sharalarǵa qatysýyna da  qatań toqtaý qoıdyq. Bóten adamdar kúzgi jáne kóktemgi Ant berý rásimine ǵana qatysa alady»,-dedi ol.

M.Satovtyń aıtýynsha, sońǵy jeti jylda ásker qatarynda bundaı mazmundaǵy qylmystar jasalmaǵan eken. «Sonymen qatar, áskerı ınstıtýt bolashaq ofıtserlerge lańkestik pen dinı ekstremızmniń aldyn alý sharasyn oqytady. ıAǵnı, din terisin jamylyp júrgen teris aǵymdardyń qandaı saldary bolatynyn aldyn ala aıtyp otyramyz», - dedi M.Satov.