Ulttyq ulan áskerı qyzmetshileri álem chempıonatynda júldeger atandy

NUR-SULTAN. QazAqparat – Ulttyq ulannyń áskerı qyzmetshileri Tashkentte ótken ámbebap jekpe-jekten álem chempıonatynda júldeger atandy. Bul týraly Іshki ister mınıstrliginiń ókili Shuǵyla Turlybek aıtty, dep habarlaıdy QazAqparat tilshisi.

«Ózbekstan astanasynda jasóspirimder men eresekter arasyndpa ámbebap jekpe-jekten álem chempıonaty ótti. Jarysqa 30 elden 600-den asa sportshy qpatysty. Qazaqstannyń ulttyq quramasy Ulttyq gvardııa áskerı qyzmetshilerinen jasaqtaldy. 5570 áskerı bólimniń áskerı qyzmetshisi, kapıtan Batyrhan Áshirbekov 75 kelige deıingi salmaq sanatynda kúmis medal ıelendi. Al 6655 áskerı bóliminiń serjanty Berikbolsyn Ómirserikov 60 kelige deıingi salmaq sanatynda qola ıelendi», - dedi Shuǵyla Turlybek vedomstvonyń baspasóz alańynda ótken brıfıngte.

Sonymen qatar ol Lıvan Respýblıkasynyń Djýnııa qalasynda sambodan Azııa chempıonaty ótip, oǵan 20 eldiń komandasy qatysqanyn atap ótti.

«Júldegerler arasynda Shyǵys Qazaqstan oblysynyń polıtsııa qyzmetkeri bar. Asylbek Smaıylov 79 keli salmaq sanatynda kúmis medal jeńip aldy. Al Aıbek Sametaev 88 keli salmaq sanatynda Azııa chemponatynyń qola júldegeri atandy. Ulttyq gvardııanyń áskerı qyzmetshisi Elaman Qoıshybaev kúmis medal ıelendi», - dedi ІІM ókili.

Sýret: news.myseldon.com