Ulttyq tutynýshylar lıgasyna 4 myńnan asa adam shaǵymdanǵan

ALMATY. QazAqparat - Tutynýshylar ulttyq lıgasyna jyl basynan beri 4 myńnan astam azamat shaǵymdanǵan. Bul týraly búgin «Tutynýshylar ulttyq lıgasy» uıymynyń basqarma tóraıymy Svetlana Romanovskaıa málimdedi.

Onyń aıtýynsha, shuǵyl jelige 2015 jyly 4 195 adamnan qońyraý kelip túsken.

Sotqa deıingi tártipte 28,7 mln teńge kóleminde materıaldyq shyǵyn men moraldyq tólem tólendi.

Tutynýshylar kóbinese turmystyq tehnıkanyń sapasyna shaǵym bildirgen.

S.Romanovskaıa oqý oryndarynda tutynýshy quqyǵy týraly sabaq ótkizýdi usyndy.

«Biz JOO-lardy ókildik ashamyz. Stýdentterdi oqytyp, saýatty tutynýshy jasaımyz. Álemniń 28 elinde paıdalanyla alatyn arnaıy oqýlyq basyp shyǵardyq. Sondaı-aq, bizge lıganyń janynan Consumers International-dyń eýropalyq keńsesin ashý usynyldy. Jaqyn arada ashylýy múmkin. 140 eldiń úzdik tehnologııasy bizdiń keńsede qoldanylatyn bolady. Bul baǵytta bizdiń kásipkerler daıyn ba ol ózinshe bólek áńgime», - dedi ol.

Júrgizilgen taldaýǵa sáıkes, 2015 jyly ónimderden 12 598 synama alynyp, onyń 3 475-i, ıaǵnı, 28 protsenti jaramsyz bop tabyldy.