Ulttyq testileý ortalyǵynyń fılıaldaryn qysqartý qajet - mınıstr

NUR-SULTAN. QazAqparat – Ulttyq testileý ortalyǵynyń fılıaldaryn qysqartý qajet. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Taǵy bir másele, Ulttyq testileý ortalyǵynyń jergilikti fılıaldaryn azaıtý boıynsha jumys júrgizilsin. Tek qana eń basty, eń mańyzdy ortalyqtarda da fılıaldar jumys isteıtin bolady. Búginde elektrondy tsıfrly testileýge kóshkennen keıin mundaı qajettilik joq», - dedi Ashat Aımaǵambetov mınıstrliktiń apparat jınalysynda.

Sondyqtan mınıstr Ulttyq biryńǵaı testileý ortalyǵy men osy máseleni úılestirý quziretine kiretin vıtse-mınıstrge osy baǵyttaǵy jumysty júrgizýdi tapsyrdy.

«Olardyń sany 150-ge jýyqtaıdy. Ulttyq testileý ortalyǵyn barynsha jınaqy jasaý úshin baqytyl is-sharalar qabyldaý qajet», - dedi ol.

Foto: enu.kz