Ulttyq testileý ortalyǵy UBT-ny ótkizý tártibin túsindirdi
«Karantındik shekteýlerge baılanysty eldiń barlyq aımaqtaryndaǵy UBT ótkizý oryndarynda kúsheıtilgen medıtsınalyq-sanıtarlyq sharalar engiziledi. Ǵımaratqa kirgizý kezinde test tapsyrýshylardyń arasyndaǵy eki metrlik araqashyqtyqty qatań saqtaý arqyly maskaly rejım júzege asyrylady. Ár test tapsyrýshy 5 baqylaý kezeńinen ótetin bolady, onyń ishinde syrtqy kıimdi dezınfektsııalyq eritindilermen zalalsyzdandyratyn arnaıy dáliz arqyly ótý eskerilgen», - dedi D. Smaǵulov Ortalyq komýnıkatsııalar qyzmetinde.
Sonymen qatar ol talapker aıaq kıimin de dezınfektsııalaıtynyn, odan keıin qolyn sanıtaızermen súrtetinin jetkizdi.
«Kelesi kezeńde test tapsyrýshyrar termobaqylaýdan ótýi tıis. Eger dene qyzýy anyqtalǵan jaǵdaıda, oǵan kezekshi medıtsınalyq qyzmetkerler brıgadasy dereý kómek kórsetedi. Odan keıingi árketter tek mamandardyń berilgen talaptaryna saı oryndalady», - dedi ortalyq dırektory.
Barlyq medıtsınalyq-sanıtarlyq kezeńderden ótkennen keıin, testileý kezinde respıratorlyq nemese bir ret qoldanylatyn maskalar usynylady.
«Bir ret paıdalanylatyn maskalardy testileý barysynda aýystyrýǵa múmkindik qarastyrylǵan. Test tapsyrýshylar sáıkestendirýden ótedi, tekserýshi men test tapsyrýshylar arasyndaǵy araqashyqtyq saqtalady. Ár qabattaǵy dálizderde sanıtaızerler ornatylady. Aýdıtorııada test tapsyrýshylardy otyrǵyzý keminde eki metr araqashyqty saqtaý arqyly júzege asyrylady. Bul rette aýdıtorııa únemi jeldetiledi», - dedi Dıdar Smaǵulov.
Budan buryn habarlanǵandaı, bıyl Ulttyq biryńǵaı testileý 20 maýsym men 5 shilde aralyǵynda ótedi.