Ulttyq testileý ortalyǵy UBT-daǵy daý-damaı boıynsha qosymsha málimetterdi jarııalady
Baspasóz qyzmetiniń málimetinshe, buǵan deıin Ulttyq testileý ortalyǵy elordalyq eki joǵary oqý ornynyń tórt stýdenti UBT kezinde 4 talapkerdiń ornyna testileý tapsyrmaq bolǵany týraly habarlaǵan. Aıta keteıik, ortalyq qyzmetkerleri bul árekettiń aldyn alyp, polıtsııaǵa júgingen. ıAǵnı, talapkerler testileýge jiberilmeı, ortalyq qyzmetkerleri buzýshylyqtardy der kezinde anyqtady.
«Erejelerdi óreskel buzýǵa qatysy bar adamdar boıynsha barlyq derek istiń mán-jaıyn anyqtaý jáne odan ári zerdeleý úshin quqyq qorǵaý organdaryna jiberildi. Degenmen, Ulttyq testileý ortalyǵy tarapynan erejeni óreskel buzǵan testilenýshilerdiń ata-analary týraly aqparat anyqtalmady jáne talapkerlerdiń aty-jónderi jarııalanǵan joq. Óıtkeni oryn alǵan jaǵdaı balalarǵa qatysty bolyp otyr», delingen habarlamada.
Mınıstrliktiń málimetinshe, bıyl UBT tapsyrý ortalyqtarynda talapkerdi testileýge kirgizý kezinde úsh satyly júıe engizilgen. ıAǵnı, testilenýshi jeke kýáligin kórsetti, Face-ID júıesinen ótti jáne UBT barysynda árbir qatysýshynyń aldynda kamera ornatyldy. Bul sharalardyń barlyǵy buzýshylyqtardyń aldyn alýǵa jáne Ulttyq biryńǵaı testileýdi tapsyrý rásiminiń ashyqtyǵyn qamtamasyz etýge baǵyttalǵan.
«Máselen, eger ótken jyly UBT tapsyrýǵa talpynǵan bógde tulǵalar boıynsha 7 fakti anyqtalsa, bıyl baqylaýdy kúsheıtýdiń arqasynda 18 jaǵdaı tirkeldi. Bul týraly buǵan deıin Ulttyq testileý ortalyǵynyń ókilderi jurtshylyqqa habarlaǵan bolatyn.
Sonymen birge eki jyl buryn UBT ótkizý erejelerine ózgerister engizildi. Olardyń qatarynda, tyıym salynǵan zattardy alyp ótýge tyrysqany úshin talapkerdi testileýge jibermeý jáne beıne jazbany zerdeleý barysynda erejelerdi buzý jaǵdaıy anyqtalǵan kezde testileý nátıjelerin joıý», delingen habarlamada.
Vedomstvonyń málimdeýinshe, UBT-ny ótkizý erejesine ózgeris engizilýi UBT-ǵa tyıym salynǵan zattardy alyp ótý áreketteri men UBT ótkizý erejesin buzýdyń azaıýyna alyp keldi.
«Máselen, 2019 jyly testileýge kirgizý kezinde 128 myń tyıym salynǵan zat anyqtalsa, tek 24 talapkerdiń ǵana nátıjesi joıylǵan. Al, 2020 jyly belgilengen erejelerge sáıkes tyıym salynǵan zattardy alyp kirýge tyrysqany úshin ǵana 2 522 úmitkerdiń nátıjesi joıyldy. Bıyl tyıym salynǵan zattardy alyp kirýge tyrysqandar sany 756-ǵa deıin azaıdy», delingen habarlamada.
Bul – erejeni buzǵan qatysýshylardy testileýge jibermeý týraly ótken jyly engizilgen normaǵa, sondaı-aq árbir testilenýshiniń aldynda beıne baqylaý kameralarynyń ornatylýyna baılanysty bolyp otyr.
Sonymen qatar bıyl testileý kezinde erejelerdi buzǵany úshin 1 305 adam aýdıtorııadan shyǵaryldy, olardyń nátıjeleri joıyldy.
Budan basqa, UBT aıaqtalǵannan keıin de Ulttyq testileý ortalyǵynyń qyzmetkerleri barlyq talapkerdiń testileý tapsyrǵany boıynsha beıne jazbalardy taldaıdy. Birinshi kezekte, 100-den astam ball jınaǵan, sonymen birge naýryz aıynda synaq testileý men mamyr aıyndaǵy testileýdi tapsyrý kezinde nátıjeleri aıtarlyqtaı erekshelenetin talapkerlerdiń beıne jazbalary qaralady. Ári qaraı basqa beıne jazbalar boıynsha taldaý júrgiziledi.
Bıyl beıne jazbalardy taldaý barysynda 19 talapkerdiń nátıjesi joıylǵan bolatyn. Sáıkesinshe, ol talapkerler bilim grantyna úmittene almaıdy.
Bul baǵyttaǵy jumys qazir de júrgizilip jatyr. Sondyqtan uqsas jaǵdaılar anyqtalǵan kezde talapkerlerdiń nátıjeleri joıylyp, taǵaıyndalǵan bilim granttarynan da aıyrylady.
Aıta keteıik, Ulttyq testileý ortalyǵynyń qyzmetkerleri UBT ótkizý kezinde erejelerdi buzý faktileri týraly jurtshylyqty únemi habardar etip otyrady jáne jaǵdaıdy anyqtaý úshin quqyq qorǵaý organdaryna aqparat beredi.
«Búgin UBT-dan ótý úshin túrli qýlyqtarǵa baratyn talapker erteń dáriger, muǵalim nemese qutqarýshy bola otyryp, óz jumysyn adal atqarmaýy múmkin. Osyǵan baılanysty talapkerler men olardyń ata-analaryn akademııalyq adaldyqqa shaqyramyz. UBT tapsyrý kezinde ashyqtyqty qamtamasyz etý boıynsha jumystar odan ári jalǵasatyn bolady. Álemdik tájirıbe kórsetip otyrǵandaı, basqa elderde tártip buzýshylarǵa qatysty odan da qatań sharalar qoldanylady», – dedi QR BǴM Ulttyq testileý ortalyǵy dırektorynyń m.a. Naýjan Dıdarbekova.
Eske sala ketsek, áleýmettik jelide UBT tapsyrý kezinde zań buzǵan 19 talapkerdiń arasynda shoýmen Tursynbek Qabatovtyń qyzy Ádemi Amanǵalı da bar degen aqparat taraǵan bolatyn. Tanymal ártis Instagram paraqshasynda osy shýǵa baılanysty málimdeme jasady. Shoýmenniń qyzynyń ornyna UBT tapsyrmaq bolǵan qyz «Eýrazııa ulttyq ýnıversıtetiniń stýdenti» dep habarlandy. Alaıda atalmysh JOO-nyń baspasóz qyzmeti «Symbat Qanaıdyń EUÝ stýdenti ekendigi» týraly aqparatty joqqa shyǵardy.