«Ulttyq testileý ortalyǵy» dırektorynyń orynbasary 7 jylǵa sottaldy

NUR-SULTAN. QazAqparat – QR BǴM «Ulttyq testileý ortalyǵy» RMQK dırektorynyń burynǵy orynbasary sybaılas jemqorlyq qylmysyn jasaǵany úshin sottaldy. Bul týraly QazAqparat Sybaılas jemqorlyqqa qarsy qyzmetke silteme jasap habarlaıdy.

QR BǴM «Ulttyq testileý ortalyǵy» RMQK dırektorynyń burynǵy orynbasary D.S. Jaqsybekovke qatysty sybaılas jemqorlyq qylmys jasady degen kúdikpen sotqa deıingi tergeý júrgizdi.

«Jaqsybekov «ProBusineSS.kz» JShS dırektory S.A. Pankeevten quny 8,8 mln teńge bolatyn «Toyota camry» markaly avtokóligin para retinde aldy dep kúdiktengen, aımaqtarda atalǵan JShS-niń UBT ótkizý kezinde qyzmet kórsetý boıynsha múddesin qorǵaǵany úshin. 9 jeltoqsanda Nursultan qalasynyń Baıqońyr aýdandyq №2 sotynyń úkimimen Jaqsybekov para aldy dep tanylyp, oǵan 7 jylǵa bas bostandyǵynan aıyrý jazasy taǵaıyndaldy», - delingen habarlamada.

Atalǵan adam memlekettik qyzmette qyzmet atqarý quqyǵynan ómir boıyna aıyryldy.