Ulttyq tarıh qoǵamdyq ǵylymdardyń arasynda ortalyq býynǵa aınalýǵa tıis - Memlekettik hatshy

ASTANA. 5 maýsym. QazAqparat - Orta mektepter men joǵary oqý oryndaryndaǵy tarıhty oqytýdyń osy zamanǵy jáne shyn mánindegi ǵylymı birtutas memlekettik standartyn jasaý kerek. Ol standart osy zamanǵy zertteý tásilderi men oqytý ádisterine negizdelýge tıis. Búgin elordadaǵy Eýrazııa ulttyq ýnıversıtetinde Qazaqstan Respýblıkasynyń ulttyq tarıhyn zerdeleý jónindegi vedomstvoaralyq jumys tobynyń keńeıtilgen otyrysynda QR Memlekettik hatshysy Marat Tájın osylaı málimdedi.

Jıyndaǵy sózin qorytyndylaı kele, Marat Tájın ult tarıhyn zertteý jumysyn birneshe bólikke bólýge bolatynyn jetkizdi. «Birinshi. Ulttyq tarıh qoǵamdyq ǵylymdardyń arasynda ortalyq býynǵa aınalýǵa tıis. Ekinshi. Biz sapalyq jańa deńgeıde Qazaqstan tarıhynyń ortaq tujyrymdamasyn jasap shyǵýǵa tıispiz. Ol tujyrymdama búkil álemdik tarıhpen tyǵyz baılanysta bolýǵa, Qazaqstannyń asa aýqymdy tarıhı úderisterdegi, olardyń ózara baılanysy men ǵylymı kezeńdený júıesindegi ornyn anyq kórsetýge tıis», - dedi M. Tájın.