Ulttyq tabıǵı parkterdegi týrızm: Mınıstrlik ınvestorlar izdestirýde

NUR-SULTAN. QazAqparat - Ulttyq tabıǵı parkterde týrızmdi damytý úshin ınvestorlar izdestirilip jatyr. Bul týraly QR Mádenıet jáne sport mınıstrligi Týrızm ındýstrııasy komıtetiniń tóraǵasy Dastan Rysbekov aıtty, dep habarlaıdy QazAqparat tilshisi.

«Ekologııa mınıstrligimen birlesip júzege asyryp jatqan taǵy bir baǵyt - Ulttyq tabıǵı parkterde týrızmdi damytý. Máselen, «Іle-Alataýy» memlekettik ulttyq tabıǵı parkinde ekologııalyq týrızmdi damytý úshin «Qultaý» JShS jeke ınvestory anyqtaldy. 7 vızıt-ortalyq, 156 shaqyrym jaıaý júrginshi soqpaǵy, avtokólikterge arnalǵan 2 myń turaq orny, glempıng, kempıng, shamamen 3 myń orynǵa arnalǵan palatalyq lager salý josparlanǵan. Investıtsııanyń jalpy kólemi shamamen 17,3 mlrd teńgeni quraıdy», - dedi Dastan Rysbekov Ortalyq kommýnıkatsııalar qyzmetindegi brıfıng barysynda.

Onyń aıtýynsha, munan bólek, «Altyn Emel», «Kólsaı kólderi» jáne «Sharyn» memlekettik ulttyq tabıǵı parkterin damytý boıynsha jospar ázirlengen. Bul parkterdi de damytýǵa jeke ınvestorlar tartylatyn bolady. Qazirgi ýaqytta áleýetti ınvestorlardy izdeý jumystary júrgizilip jatyr.

«Taıaý keleshekte dál osyndaı konkýrstyq protsedýralardy atalǵan Ulttyq tabıǵı parkterge qatysty ótkizý josparlanyp otyr», - dedi ol.