Ulttyq sport túrlerinen «Uly dala rýhy» festıvaliniń soltústik aımaqtyq irikteý jarysy ótti

NUR-SULTAN. QazAqparat - Ulttyq sport túrlerinen Qazaqstan Respýblıkasy Táýelsizdiginiń 30 jyldyǵy aıasynda Respýblıkalyq «Uly dala rýhy» festıvalin keń kólemde ótkizý kózdelip otyr. Ulttyq sporttyń kókpar, báıge, teńge ilý, aýdaryspaq, jamby atý, qazaq kúresi, toǵyzqumalaq, asyq atý túrinen ótetin jarystar komandalyq tártipte júrgiziledi.

Festıvaldi uıymdastyryp ótkizýge basshylyqty Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti «Ulttyq jáne at sporty túrleri ortalyǵy» RMQK júrgizedi.

Eki aıdan astam ýaqytqa sozylatyn bul festıval II kezeńge bólingen. Alǵashqy kezeń básekesi tórt aımaqta ótedi.

Sondaı-aq, kókpar, qazaq kúresi, toǵyzqumalaq, asyq atý, aýdaryspaq, jamby atý, teńge ilý sport túrleriniń irikteý básekeleri 28-30 shildede Kókshetaý qalasynda ótti.

Soltústik aımaqty qamtıtyn I kezeń irikteý jarystaryna Nur-Sultan qalasy, Aqmola oblysy, Qostanaı oblysy, Soltústik Qazaqstan oblystarynan 180 sportshylar qatysty.

Aımaqtardaǵy irikteý jarystaryna elimizdegi 14 oblys, 3 qala komandalary arasynan úzdik shyqqan komandalar festıvaldiń II kezeńinde fınalda óner kórsetedi.

Fınalǵa joldama alǵan oblystar:

1. Kókpar – Aqmola oblysy

2. Aýdaryspaq – Nur-Sultan qalasy

3. Jamby atý – Aqmola oblysy

4. Tenge ilý - SQO

5. Asyq atý – Aqmola oblysy

6. Toǵyzqumalaq – Nur-Sultan qalasy

7. Qazaq kúresi – Nur-Sultan qalasy

Uıymdastyrýshylar:

Qazaqstan Respýblıkasynyń Mádenıet jáne sport mınıstrligi;

Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti;

Qazaqstan Respýblıkasy Mádenıet jáne sport mınıstrligi Sport jáne dene shynyqtyrý isteri komıtetiniń «Ulttyq jáne at sporty túrleri ortalyǵy» RMQK.