Ulttyq senim keńesi bastamalaryn júzege asyrý aıasynda 9 zań qabyldandy
17:00, 15 Jeltoqsan 2020
NUR-SULTAN. QazAqparat – QR Prezıdentiniń kómekshisi Erlan Qarın Ulttyq qoǵamdyq senim keńesi bastamalaryn júzege asyrýǵa qatysty túsinik berdi, dep habarlaıdy QazAqparat tilshisi.
«Ulttyq qoǵamdyq senim keńesi bastamalaryn júzege asyrý aıasynda 9 zań, QR Prezıdentiniń bir Jarlyǵy, QR Úkimetiniń 3 qaýlysy, QR Premer-Mınıstriniń bir ókimi, mınıstrlerdiń 7 buıryǵy qabyldandy», - dep jazdy Erlan Qarın Telegram paraqshasynda .
Onyń aıtýynsha, taǵy jeti zań jobasy qaralyp jatyr.
Eske salsaq, Ulttyq qoǵamdyq senim keńesiniń kezekti otyrysy 22 qazanda ótti. Oǵan ár óńir onlaın-formatta qosyldy. Jıynda Memleket basshysynyń «Jańa jaǵdaıdaǵy Qazaqstan: is-qımyl kezeńi» joldaýyn júzege asyrý joldary talqylandy.