Ulttyq saraptama ortalyǵynyń zerthanalarynda koronavırýsqa 2 mln taldaý jasalǵan

NUR-SULTAN. QazAqparat – 2020 jyldyń aqpan-jeltoqsan aılary aralyǵynda QR Densaýlyq saqtaý mınıstrligine qarasty Ulttyq saraptama ortalyǵynyń zerthanalarynda koronavırýs ınfektsııasyna 1,9 mln zertteý júrgizildi. Onyń ishinde 66 myńnan astam synama oń nátıjemen shyqqan, dep habarlaıdy QazAqparat.

Ortalyqtyń baspasóz qyzmetinen málim etkendeı, USO zerthanalarynda ortasha eseppen táýligine 5 myńnan astam zertteý júrgizildi. Testileý 16 fılıalda ótkizildi. Aptasyna jeti kún, táýligine 24 saǵat respýblıka boıynsha 485 maman COVID-19 taldaýlaryn zertteýge jumyldyryldy.

Ótken jylǵy pandemııa kezinde dezınfektsııalyq qyzmetter de úlken jumys atqardy. Olar demalyssyz, táýlik boıy tótenshe jaǵdaı týyndaǵan ınfektsııalyq oshaqtarda zararsyzdandyrý jumystaryn júrgizdi.

«Dezınfektsııalaý turǵyn jáne keńse úı-jaılarynda, ushaqtardyń salondarynda, karantındik jáne provızorlyq ortalyqtarǵa avıajolaýshylardy tasymaldaıtyn avtobýstarda, sondaı-aq jolaýshylardyń bagajynda júrgizildi.

Sondaı-aq, saýyqqan naýqastar men olarmen baılanysta bolǵan tulǵalar shyǵarylǵannan keıin statsıonarlar men ortalyqtar dezınfektsııalandy.

Ótken jyldyń 10 aıynda dezınfektsııalyq bólimderdiń 592 mamany 40 myńǵa jýyq oshaqty óńdedi.

Búgingi tańda USO mamandary COVID – 19-ǵa zertteýler júrgizýdi jáne oshaqtardy dezınfetsııalaýdy jalǵastyrýda», - dedi QR DSM SEBK «Ulttyq saraptama ortalyǵynyń» baspasóz qyzmetinen.