Ulttyq sanaqty júrgizetin ıntervıýerdi qalaı tanýǵa bolady

NUR-SULTAN. QazAqparat - 2021 jylǵy Ulttyq sanaqty júrgizý jumysyna 32 myńnan astam adam tartylady, dep habarlaıdy QazAqparat Ulttyq statıstıka bıýrosyna silteme jasap.

Vedomstvonyń málimetinshe, ıntervıýer qyzmetine bastamashyl, jaýapty, kommýnıkabeldi, kompıýterde jumys jasaı alatyn 18 jastan asqan Qazaqstan azamattary úmitker bolady. Intervıýerdiń mindetine elimizdiń qalalary men aýyldaryndaǵy úı sharýashylyqtaryn jappaı aralaý kiredi. Úılerdi aralaý kezeńinde ıntervıýrerge arnaıy kýálikter men Ulttyq sanaqtyń atrıbýttary beriledi.

«Kýálikte ıntervıýerdiń fotosýreti, tegi, aty, ákesiniń aty, kýáliktiń berilgen ýaqyty men jaramdy merzimi, sondaı-aq, aýmaqtyq statıstıka bólimshesiniń qoly men móri bolady. Barlyq ıntervıýerde halyq sanaǵynyń belgisi bar kók tústi moıynoraǵysh pen portfel bolýy tıis», - deıdi Ulttyq statıstıka bıýrosynyń resmı ókili Oljas Saılaýbekuly.

Esterińizge sala keteıik, 2021 jyldyń ulttyq sanaǵy 1 qyrkúıekten 30 qazanǵa deıingi aralyqta ótedi. Oǵan onlaın rejıminde de, dástúrli tásilmen de qatysýǵa bolady. 2021 jyldyń sanaǵynyń urany – «Qazaqstanda árkim mańyzdy!».