Ulttyq sanaqty ýaqtyly sapaly ótkizýdi tapsyramyn – Prezıdent

NUR-SULTAN. QazAqparat – Memleket basshysy Qasym-Jomart Toqaev ulttyq sanaqty belgilengen merzimde sapaly ótkizýdi tapsyrdy, dep habarlaıdy QazAqparat tilshisi.

«Taǵy bir ózekti másele, bıyl kúzde elimizde úshinshi Ulttyq halyq sanaǵy ótedi. Bul sanaq indetke baılanysty kúrdeli kezeńde ótetin boldy. Sondyqtan Úkimetke, Strategııalyq josparlaý jáne reformalar agenttigine jergilikti atqarýshy organdarmen birlesip, ulttyq sanaqty belgilengen merzimde sapaly ótkizýdi tapsyramyn. Bul rette, sanaq júrgizetin qyzmetkerlerdiń bári vaktsına alyp, qajetti qorǵanys quraldarymen qamtamasyz etilýge tıis», - dedi Prezıdent Úkimettiń keńeıtilgen otyrysynda.

Aıta keteıik, Táýelsiz Qazaqstan tarıhyndaǵy úshinshi ulttyq sanaq 2019 jyly ótkiziledi dep josparlanǵanymen, 2021 jyly dástúrli jáne onlaın formatta ótedi. Onlaın sanaq 2021 jyldyń 1 qyrkúıek pen 15 qazan aıynda Sanaq.gov.kz saıtynda ótkiziledi.

1 qyrkúıek pen 15 qazan aralyǵynda onlaın rejımde ózdiginen saýalnama paraqtaryn toltyrý múmkindigi bolady. Júıe táýligine 24 saǵat qoljetimdi bolady, respondentter sanaqqa qatysý úshin ózine yńǵaıly ýaqytty tańdaı alady. Odan basqa, «Egov» platformasynda elektrondyq tsıfrlyq qoltańba arqyly jáne «Aitu» mobıldi qosymshasy arqyly sanaqtan ótýge bolady.

Al dástúrli ulttyq sanaq onlaın rejımde sanaqtan ótpegen turǵyndar úshin 1-30 qazan aralyǵynda ótedi.