Ulttyq pikirsaıys týrnıriniń jeńimpazdary marapattaldy

ASTANA. QazAqparat – Astanada Qazaqstannyń ár óńirinen kelgen 120 pikirsaıysshynyń qatysýymen 2 kún boıy týrnır ótti, dep habarlaıdy QazAqparat Oqý-aǵartý mınıstrliginiń baspasóz qyzmetine silteme jasap.

Saıystyń barlyq kezeńi amerıkalyq parlament formaty (APF) boıynsha ótip, úzdikter anyqtaldy.

Qazaq, orys jáne aǵylshyn lıgalarynda І oryndy Batys Qazaqstan, Aqtóbe oblystary men Astana qalasynyń komandalary jeńip aldy.

«Pikirsaıys – kóshbasshy jastardy tárbıeleıtin eń myqty qural, bilimge jeteleıtin altyn baspaldaq desek te bolady. Sizder eki kún boıy synǵa túsip qana qoımaı, jańa dos taptyńyzdar. Jańa orta qalyptasyp, óz bilimderińizdi tarazyladyńyzdar. Qatysýshylardyń barlyǵyn jáne jeńimpazdardy quttyqtaımyn. Sizderdiń árqaısylaryńyz – el tizginin ustaıtyn azamatsyzdar!» - dedi Oqý-aǵartý mınıstri Ǵanı Beısembaev.

ІІ, ІІІ oryn júldegerleri, «Úzdik spıker», «Úzdik orator», «Úzdik sarapshy» nomınatsııasynyń ıegerleri men qatysýshylarǵa Oqý-aǵartý mınıstrligi atynan syılyqtar tabystaldy.

Aıta keteıik, qazirgi kúni respýblıka boıynsha 6 726 pikirsaıys klýby jumys isteıdi. Onda 120 myńnan astam oqýshy quqyqtyq mádenıetti, azamattyq belsendilikti, jaýapkershilikti, shyǵarmashylyq jáne synı oılaýdy, komandada jumys isteýdi úırenedi.

Foto: gov.kz