Ulttyq parkterde ekologııalyq týrızmdi damytýǵa kóńil bólinip otyr

NUR-SULTAN. QazAqparat – «Jasyl Qazaqstan» ulttyq jobasy ázirlenedi. Bul týraly Ekologııa, geologııa jáne tabıǵı resýrstar mınıstrliginiń alqa májilisinde osy vedomstvonyń vıtse-mınıstri Erlan Nysanbaev málim etti, dep habarlaıdy QazAqparat tilshisi.

Vıtse-mınıstr ulttyq parkterde ekologııalyq týrızmdi damytýǵa kóp kóńil bólingenin atap ótti. Osy jumystar aıasynda 2025 jylǵa qaraı ulttyq parkterdiń Almaty tobyna jeke ınvestıtsııalardyń kólemi 31 mlrd teńgeni quraıdy. Ulttyq parkterdiń rekreatsııalyq júkteme normalaryn eskere otyryp, týrısterdiń kútiletin aǵyny 2 mln adamnan asady dep kútilip otyr.

«Bıyl orman sharýashylyǵyn damytý jáne erekshe qorǵalatyn tabıǵı aýmaqtar salasynda komıtettiń aldynda tıisti mindetter qarastyrylǵan. Birinshi kezekte - «Jasyl Qazaqstan» ulttyq jobasyn ázirleý. Onyń aıasynda orman sharýashylyǵyn, erekshe qorǵalatyn tabıǵı aýmaqtardy damytýǵa jáne bıoártúrlilikti saqtaýǵa arnalǵan bólimder qarastyrylady», - dedi Nysanbaev.

Ekishiden, ormandardy molyqtyrý jáne orman ósirý jónindegi keshendi josparlardy iske asyrýdy baqylaý, onyń ishinde mınıstrliktiń Geoportaly bazasynda aǵash otyrǵyzý jumystaryna monıtorıng júrgizýdiń ınteraktıvti kartasyn ázirleý eskerilgen.

Budan buryn habarlanǵandaı, Qazaqstanda 2019 jylmen salystyrǵanda ormanmen qamtylǵan alqap 188 myń gektarǵa ulǵaıdy.