Ulttyq olımpıadalyq komıtetiniń prezıdenti Galyshevany jeńisimen quttyqtady

PHENChHAN. QazAqparat - QR Ulttyq olımpıadalyq komıtetiniń prezıdenti Tımýr Qulybaev Ońtústik Koreıada ótip jatqan Olımpıada oıyndarynda Qazaqstan qorjynyna alǵashqy júldeni salǵan ıÝlııa Galyshevany jeńisimen quttyqtady. Bul týraly komıtettiń baspasóz qyzmetinen málim etti.

"Qurmetti ıÝlııa, Qazaqstan Respýblıkasy Ulttyq Olımpıadalyq komıtetiniń jáne óz atymnan Sizdi Phenchhandaǵy XXІІI qysqy Olımpıada oıyndarynda qol jetkizgen keremet jetistigińizben quttyqtaımyn.

Sizdiń álemniń úzdik sportshylarymen birge synǵa túsip, kórsetken jeńiske degen qushtarlyǵyńyz ben jarqyn ónerińizge mıllıondaǵan qazaqstandyq kýá boldy.

Olımpıada oıyndarynyń medali - talaı ýaqyt jumsaǵan jattyǵýlardyń jemisi. Sizdi, jattyqtyrýshyńyzdy jáne de osy jetistikke óz úlesterin qosqan búkil komandany shyn júrekten quttyqtaımyn», - dep atap ótti T.Qulybaev.

Ulttyq olımpıadalyq komıtet prezıdenti sonymen qatar, osyndaı sportshyny tárbıelep, qysqy sportty damytyp jatqan Shyǵys Qazaqstan oblysy mektebine jeke alǵysyn bildirdi.

«Sizdiń bul medalińiz Qazaqstan Respýblıkasynyń olımpıadalyq marapattar tarıhynda ózindik oryn alatynyn sózsiz. Sizge tek sáttilik jáne jeńis tileımin!», - delingen quttyqtaýda.