Ulttyq mýzeıge kóne Otyrar dáýirinen syr shertetin jádigerler qoıyldy

ASTANA. QazAqparat – Ulttyq mýzeıde «Otyrar» memlekettik arheologııalyq mýzeı-qoryǵynyń «Uly jibek joly jáne Otyrar alqabynyń qalalyq mádenıeti» taqyrybynda kórmesi ashyldy. Qala kúnine oraı uıymdastyrylǵan kórmede Qazaqstannyń ejelgi órkenıet ordasy Otyrarǵa qatysty qundy jádigerler tanystyryldy, dep habarlaıdy QazAqparat mýzeıdiń baspasóz qyzmetine silteme jasap.

Óz zamanynda órkenıet ordasy sanalyp, Batys pen Shyǵysty baılanystyrǵan, qazaqtyń boıtumaryna aınalǵan Otyrarkórmesine tarıhtyń, halyqtyń ósý jolymen ushtasyp, jalǵasyp kele jatqan zertteýler nátıjesinde tabylǵan jádigerler qoıylǵan. Tarıhı-taǵylymdy kórmede Otyrar dalasynda Uly Jibek joly arqyly saýda qatynastarynyń damýy jáne Qarahan dáýirinen bastap, Qazaq handyǵyna deıingi qalalyq mádenıettiń órkendeýi men damýynan habar beretin 154 arheologııalyq jádigerler kópshilik nazaryna usynyldy.

Kórermenge ótken tarıhymyzdan keń kólemde málimet berý úshin murajaı qory jınaǵyndaǵy arheologııalyq jádigerler – keramıkalyq buıymdar, nýmızmatıkalyq materıaldar, shynydan jasalǵan zattar t.b. zattaı dáıektemeler, sonymen birge, eskertkishterge qatysty aerofotolar men kartalar usynyldy.

Іs-shara barysynda sóz alǵan Ulttyq mýzeı dırektorynyń mindetin atqarýshy Aqmaral Ǵosmanqyzy Ibraeva men «Otyrar» memlekettik arheologııalyq mýzeı-qoryǵynyń dırektory Jangeldi Meńlibaıuly halqymyzdyń ótken tarıhynan syr shertip, tolymdy ári tyń málimetter usynyp otyrǵan kórme jumysyna sáttilik tiledi. Ortaǵasyrlyq kóne qaladan tabylǵan jádigerler tarıhy Otyrar, Oqsyz, Quıryqtóbe – ortaǵasyrlyq qalasymen de úndesip jatqanyn aıtyp, osyndaı kórmeler jergilikti turǵyndar kókiregine rýhanı nár quıatynyn jetkizdi. Oılylardyń izi qalǵan Otyrarda álemdik órkenıettiń uly oıshyldarynyń biri – Ábý Nasyr ál-Farabıdi dúnıege ákelse, túrki halyqtarynyń rýhanı kóshbasshylarynyń biri Qoja Ahmet ıAsaýı Túrkistan qalasynda ómir súrip, ilim taratqany aıtyldy.

Kórme 30 shildege deıin jalǵasady.