Ulttyq mýzeıde Ermıtaj kúnderi bastaldy
Ǵylymı restavratsııa, ǵylymı-aǵartýshylyq jumystary, mýzeı eksponattaryn saqtaý men qorǵaý boıynsha mýzeı isiniń myqty mamandarynan quralǵan delegatsııany tarıh ǵylymdarynyń doktory, professor, Reseı ǵylym akademııasynyń korrespondent-múshesi, Reseı mýzeıleri odaǵynyń tóraǵasy, ıslamtanýshy, Memlekettik Ermıtajdyń Bas dırektory Mıhaıl Pıotrovskıı bastap kelgen.
«Meniń Qazaqstanǵa kelgendegi maqsatym - Astana, Qazaqstannyń Ulttyq mýzeıinde Ermıtaj kúnderin ótkizý. Jalpy, jeltoqsan aıynyń basynda Ermıtaj kúnderin uıymdastyryp, jyl boıy atqarǵan jumysymyzdy qorytyndylaımyz. Bıyl óz elimizde esep bermesten buryn, Astanaǵa kelip, Ermıtaj kúnderin uıymdastyryp jatyrmyz. Shara aıasynda ózara təjirıbe almasamyz. Ulttyq mýzeıge bul alǵash kelýim»,-deıdi M.Pıotrovskıı.
Jalpy, Astanadaǵy Ermıtaj kúnderi Memlekettik Ermıtaj ben QR Ulttyq mýzeıiniń arasyndaǵy birlesken yntymaqtastyq shartyn júzege asyrý aıasynda uıymdastyrylǵan. Ermıtaj kúnderiniń aıasynda Ulttyq mýzeıde lektsııalar, semınarlar, mýzeı qyzmetkerleriniń ózara kezdesýi, sondaı-aq, Ermıtaj týraly vırtýaldy kórme sııaqty halyqaralyq joba aıasynda mýzeı salalaryn damytý sııaqty məseleler talqylanady.