«Ulttyq mura» І avtosherýi Almatydan bastalady

ASTANA. QazAqparat - QR Ulttyq mýzeıi Memlekettik «Mádenı mura» baǵdarlamasynyń qabyldanǵanyna 10 jyl tolýyna oraı uıymdastyrylǵan «Ulttyq mura» avtosherýi bastalatynyn habarlaıdy, dep jazady UM baspasóz qyzmetinen.

Avtosherý respýblıkanyń mýzeı qyzmetkerlerin shoǵyrlandyrý jáne olardyń kúshimen memlekettik baǵdarlamany odan ári júzege asyrý maqsatynda ótkizilip otyr.

Joba 3 jylǵa arnalǵan. Alǵashqy «Ulttyq mura» avtosherýiniń marshrýty Qazaqstannyń ońtústik jáne ortalyq aımaqtaryndaǵy mádenı-tarıhı nysandar men oblystyq mýzeılerdi aralaýdy josparlaǵan. Atalǵan jobanyń basty baǵyttarynyń biri - Ulttyq mýzeı qoryna biregeı mádenı qundy buıymdardy taýyp ótkizý týraly turǵyndar arasynda aqparattyq nasıhat jumystaryn júrgizý. On kúnge sozylatyn avtosherý 10 qyrkúıekte Almaty qalasynan bastalady. «Ulttyq mura» І avtosherý» jobasy «Allur Auto», «SaryarkaAvtoProm», «Agromashholdıng», «Shell Helix» brend belgisimen «TURKUAZ AUTOMOTIVE» kompanııalarynyń qoldaýymen ótedi.